أخبار_عالريق

#أخبار_عالريق 619 يوم
✅يكتبها/ #سعيد_الطويل

■شكلها الأمور حترجع ثاني للكمامات والمعقمات والتباعد بالعالم بعد ما اكتشفوا المتحور الجديد لنج اميكرون في جنوب أفريقيا.

■كبشة دول أعلنت وقف حركة السفر مع جنوب أفريقيا وشوية دول ثانية حواليها

■اليــ ـهود كمان طلع عندهم طفرات جديدة ،وبيفكروا يسكروا مطار اللد الفترة الجاية.

■بيقلك هذا الاميكرون وضعه صعب وحيوقف العالم ع رجل وحدة .

■اليــ ـهود اعتقلوا من نص بحر رفح صيادين اثنين وهما بيسترزقوا واحد من دار البردويل والثاني من دار أبو عدوان

■فوق عشرين اصابة بالضفة مبارح بقرية بيتا وبمناطق ثانية.

■3أسر ى لسة مضربين عن الطعام منهم هشام أبو هواش قلط ال100 يوم

■فش مدارس وكالة يوم الاثنين الجاي، في اضراب ومن يوم الخميس في اضراب مفتوح

■ صابرين خويرة إللي قتلها جوزها برام الله، أخذوا أهلها فراش عطوة 70 ألف دينار ،وبدهم يطلعوا أهله من المنطقة ويضلوا بس النسوان والصغار بالدور .

■الدولار طلع ثاني لفوق وهيو وصل 3.19 شيكل .

■مفتي خانيونس بيقول انه حرام شرعا نعطي الشحاتين إللي بيلفوا بالشوارع مصاري.

■عصام الدعاليس وزع مبارح مليون شيكل ع أندية غزة تبعت الكورة.

■ التربية والتعليم بتحكي انه فلسطين مطلعتش من تصنيف المنتدى الاقتصادي العالمي لأنها أصلا مخشتوش .

■المهم لو سكرت البلد دورولكم ع نهفة جديدة بدل قصة الكنافة النابلسية تبهت السنة إللي فاتت.

■الدولار طلع تاني من أول وجديد ووصل 3.20 بآخر سعر إله مبارح

■أكبر راس قمبوطة ب2 شيكل ،وكيلو الخيار صاير بأربعة شيكل..

#صباح_الخير لأصحاب البسطات إللي بيبسطوا قدام المدارس ،و بيطلعوا كمان شوية ع رزقتهم عشان يروحوا الظهريات بحق بطبخة اليوم وشوية فكة مصروف للأولاد

#صباح_الخير للمهندس عمار الشب الخريج الجدع إللي بيشتغل ناطور مزرعة جاج وبيسهر طول الليل عشان يدفع اجار الدار ويساعد أهله

#صباح_الخير للحجة أم تيسير البركة إللي ضلت سهرانة طول الليل مع كنتها الجديدة بالمستشفى ،بعد ما كبستها بغطاية طنجرة الضغط مبارح الظهر .

#يسعد_صباحكم 🌹

السبت 27-11-2021

يسسلموو الاميير
وردهةة

كل الشكر والتقدير

تسلم أخي ع المتابعة الجيدة

ربي يسعدك ويحفظك من كل شر

شكرا ع المتابعة
يسعد صباحك

السلام عليكم ورحمة الله وبركاته


يسلمووووا ع النشرة الاخبارية المنوعة



يعطيك الف عافية



بانتظار جديدك دائما





تحيتي