أخبار_عالريق

#أخبار_عالريق 164
✅يكتبها/سعيد الطويل
■رواتب السلطة والمتقاعدين العساكر حتنصرف اليوم قبل الظهر بشوية عالصراف اذا الله أراد.
■بيقولوا مش حيخصموا يومين شغل عن الموظفين هذا الشهر.
■مولعة بسينا خبط ورزع وقصف من أول مبارح مسكتتش .
■انقتل الليلة اللي فاتت 18 إرهابي ببير العبد باشتباكات من الجيش المصري .
■نص حارة أبو الصابر مطلعش الهم 100دولار هذا الشهر ،شكله حد داعي عليهم
■ترامب روح من البيت الأبيض بعد ما خلص فترة الحجر تبعته .
■ في قرار انهم يضلوا مسكرين القهاوي والاستراحات والملاهي في كل مناطق القطاع .
■السعودية بدها تفتح الحرمين عشان الطواف والسعي والصلاة الأيام الجاية .
■لسة الاستنكار والتذمر ضايل موجود ع الحلقة التافهة الي نشرها تلفزيون فلسطين وأهانوا فيها ذوي الهمم العالية "المعاقين".
■ضبوا الشتوي وطلعوا الصيفي بشكل رسمي.
■موسم تصليح الهوايات الخربانة حيشتغل .
■حركة العزايم برمضان بدت تتفعل وتتمدد وتتوسع.
■بيقلك الشرطة بدير البلح ماخذة شب مشغل سماعة بيسحر فيها الناس ومشغل سكر محلي عليه كريمة.
■الخوخ البلدي نزل بالسوق بس لسة حادق شوية.
■زمان مسمعناش حد بيغلط والثاني بيرد عليه بموضوع المصالحة والإنتخابات.
■
#صباح_الخير لكل ست صابرة ع همالة جوزها وقعدته بالدار ونومته لعند المغرب.
-صباح الخير لكل راجل زقرد و قد حاله بيجيب اللقمة من تم السبع.
-صباح الخير كل شب جدع بيزور أخته لو بقزازة عصير كابي وبيقصرش فيها بإللي بيقدر عليه.
-صباح الخير لكل أب بيلم ولاده حواليه وبيعمل معهم القطايف وبيرح مرته.
-صباح الخير للنوارة أبو ياسر تبع البويا اللي بيقصرش بزباينه وبيراعيهم وبيرحهم بالدفع.
-صباح الخير لأبو هشام اللي بيبيع أكبر قرص فلافل محشية بالبلد وبيعزه بالحشوة
-صباح الخير لباعين القطايف والكنافة البورما السخنة اللي بتنعمل شقرة.

شكراً عالمتابعة الامير
سلمت

اخبارك متأخرة ي امير هههه

حبيت هالخبر
■ضبوا الشتوي وطلعوا الصيفي بشكل رسمي.


الحمد لله
شكراً لك

يسلموو لنقل والمتابعه
يعطيك العافيه

يسسلموو الامميرر
+ تققيممي لمججهودكك
وردهه

مشكور للمتابعة
تحياتي لك

عوافي للمتابعة

الله يعين العباد
يسلمو للمتابعة

يعطيك العافية ع المتابعة
وردي

يعطيك العافية
لمتابعة هالاخبار ..