أخبار_عالريق

#أخبار_عالريق 608 يوم
✅يكتبها/سعيد الطويل

■بعد ما صارت قضية عام ..الشرطة نزلت بيان انها بتتابع جريمة الاعتداء على الطفلة في رفح وعيلتها نزلت بيان براءة من عمها إللي ارتكب الجريمة وحسبنا الله ونعم الوكيل.

■شب بالعشرينات من عمره شنق حاله مبارح برفح ،والمعلومات بتحكي انه معه حالة نفسية ،الله يرحمه

■توفت بنت صغيرة عمرها (4 سنوات) بعد ما غرقت ببرميل مية بالخليل ،الله يصبر أهلها

■ولد برضه عمره عشر سنين اندهس من سيارة بالخليل مبارح المسا

■انقتل شب بجريمة بشعة جنوب جنين والشرطة اعتقلت المجرم

■بكرة حتبلش حملة قوية من المرور عالسواقين والورق والترخيص .

■بمهرجان مهيب وحاشد أحيت الجـהــاد ذكرى البهاء صاحب أيقونة الساعة تسعة بغزة

■مجدلاني بيقول انه لازم يوقع أكبر عقوبة بحق جريمة اغتصاب الطفلة في رفح

■أزمة رواتب للموظفين بتلوح فيها السلطة واليهود رجعوا يخصموا من جديد مصاري المقاصة.

■جمهورية سلوفاكيا تبرعت لفلسطين بـ 200 ألف جرعة من لقا،،ح جو نسون المضاد لكو رونا

■حسب الأرصاد فش مطرة ولا منخفضات قريبة الفترة الجاية

■بيحكوا في تسهيلات جاية ع معبر رفح من أول السنة وحيبطل حد ينام بالطريق

■في منطقة صناعية جديدة بيجهزوا فيها بايرز

■المهم إللي كم يوم بدور ع حد مش زهقان ملقيتش ،شو القصة؟

#صباح_الخير للناس إللي سايبينها ع الله عالحلوة والمرة ،إللي الدنيا ملطشة معاهم ومش راضية تمشي وبيضل الوضع ملكد معاهم ...للناس إللي مصبرهم بس ثقتها بربنا انه الوضع حيمشي ويتغير ..

#صباح_الخير لكل ولد وبنت راحوا عالمدرسة من غير مصروف وأفطروا الصبح حبة بندورة وحشوا خبزة زعتر بدون زيت

#صباح_الخير وربنا يحفظنا احنا وانتوا من كل شر 🌹
السبت 13/11/2021