أخبار_عالريق

#أخبار_عالريق 650 يوم
✅يكتبها/ #سعيد_الطويل

■يوم حلو مليان حرية ،انتصر فيه هشام على جوعه وسجانه بعد 141يوم من الصمود.

■كل الدنيا تبنت القصة ،انهم اتدخلوا عشان يتحرر هشام ،مش فارقة معانا المهم انه البطل يوم 26/2 حيكون بين مرته واولاده وعيلته ،وربنا عارف قديش تحمل هشام عشان يوصل لحريته.

■اليوم حتنصرف رواتب حكومة غزة بنسبة 60% ،ورواتب رام الله بنسبة 80%
والله يرزق جميع خلقه.

■اليوم بتلاقي البلد فايعة والنسوان رايحات جايات بالمحلات ،والكافيات مليانة والحركة بتتلحلح شوية، والصيدليات بتاخذ دينها والدكاكين بتشطب شوية من إللي بالدفتر .

■سلامة معروف بيحكي انه في 1500وظيفة جديدة الفترة الجاية بغزة
ان شاء الله يكون نصيب عادل ابن ابو فؤاد الوسطاني بوظيفة منهم

■مهلة جديدة اعطتها الفصائل لليــ ـهود لكمان أسبوع بالكثير اذا محلوش قصة الاعمار حيولعوا الدنيا شوية شوية.

■سبع حالات ماتوا من الكور ونا مبارح وشكله الأميكرون عنا ملوش هيبة ولا حس ولا خبر.

■ناصر أبو حميد أسيـ ـر مريض وضعه صعب عالآخر ،في حملة قوية عشان يفرجوا عنه.

■ عيلة أبو هواش شكرت أبو مازن وماجد فرج وزياد هب الريح وحسين الشيخ عشان جهودهم بالافراج عن ابنهم .

■حركة الجهــ ،ـاد قالت انه حركة فتح هي كلمة السر في تحرير هشام ،وحكوا انهم مبسوطين انهم بيشكروا السلطة.

■قصة الأجهزة الخربانة بمستشفيات القطاع كثرانة هاليومين بتحس القصة مقصودة عشان يروحوا الناس على عيادات خاصة حتى يدفعوا مصاري.

■أي معاملة بدكم تعملوها من وزارة التربية لازم تكونوا ماخذين تطعيم الكو رونا غير هيك يبعت الله.

■صحيح قبل ما ننسى في كشك للغلابة عالبحر عامل خدمة دفع جديدة عن طريق الباي بال واذا انت غلبان وملطم ومعندكاش التطبيق بيقدر تدفع عن طريق فيزا البنك تبعتك

■المهم شفت اعلان انه وقية القهوة بمحل فاتح جديد مرتب ،زادت 2 شيكل ،بدل ما يصير عروض بيزيد السعر ،غريبة صح؟

■المفروض بشهر 4 سمك الدنيس يرخص لانه عاملين مزارع سمكية بالبحر حتصير تنتج فوق ال120 طن.

#صباح_الخير صباح الناس إللي ناوية تعمل مسخن بالبصل وزيت الزتون الجديد

#صباح_الخير لكل أم ناوية تفطر أولادها شعيرية بسكر مع رشة جوز هند

#صباح_الخير لكل وحدة بتصحى بتنكدش ع جوزها وبتأجل الكشرة لبعد العصر

#صباح_الخير لنسيب أبو فؤاد إللي حيجوز ابنه الصغير عشان ميقطعوش عنه شيك الشؤون.

#صباح_الخير خص نص للناس إللي بتابع نشرتنا من برة البلد ..صبحناكم صبحونا

الأربعاء 5-1-2022🌹

■صحيح قبل ما ننسى في كشك للغلابة عالبحر عامل خدمة دفع جديدة عن طريق الباي بال واذا انت غلبان وملطم ومعندكاش التطبيق بيقدر تدفع عن طريق فيزا البنك تبعتك

هدول هما الي ماكلهم الفقر والقلة بس يا اخي بحسهم صحاب مزاج ههههههه

عوافي يا امير

صحيح قبل ما ننسى في كشك للغلابة عالبحر عامل خدمة دفع جديدة عن طريق الباي بال واذا انت غلبان وملطم ومعندكاش التطبيق بيقدر تدفع عن طريق فيزا البنك تبعتك

هههههههههه
بخليك تقعد وتنزل قهوة ولا نسكافي
وبيكبسك 20 شيكل
طيب ياعمي كانت بشيكل بس
بقلك لاء ضرائب والبلدية وو
بلد ملتهبة
يعطيك العافية علي المتابعة

يسسسلموو امميرر
وردهةة

تسلم ع المتابعة الجيدة
بارك الله فيك
ربي يسعدك أخي

يسلمو ع المتابعه الامير
عوافي

السلام عليكم ورحمة الله وبركاته



يسلموووووا ع النشرة الاخبارية المنوعة



يعطيك الف عافية



بانتظار جديدك دائما

تسلم امير
ماننحرم