أخبار_عالريق

#أخبار_عالريق 615 يوم
✅يكتبها/ #سعيد_الطويل

■أمطار ورحمات وطلقات بتشفي الصدور،وبتفش الغل وثقة بالله فوق كل حاجة ،الشيخ فادي اشخيدم قول وفعل ونموذج بيرفع الراس ،مش خسارة بربك يا بطل .

■اليــ ـهود جن جنونهم وفقدوا صوابهم بعد العملية ومطلعش بإيدهم إلا انهم يعتقلوا أولاد الشهــ يد فادي واخوته ويسكروا حسابتهم عالفيس.

■الجندي الأول إللي فطس شغال بوحدة خاصة مظلية والثاني ادعولنا نسمع خبره اليوم.

■في لسة أربع أسر ى مضربين عن الأكل والشرب أقدمهم كايد الفسوس صارله فوق ال130 يوم ووضعه كل يوم بيصعب عن أول.

■اضراب شامل بشعفاط حداد على روح الشيخ فادي.

■شب عمره "21 سنة" من غزة مات مبارح بظروف غامضة، ولقيوا في آثار حبل ع رقبته.

■العمادي طال عمره بكرة جاي ع غزة ،والله يعلم شو حامل معاه جديد للشباب

■بأول يوم للتسجيل للشغل بإسرائيل ،سجل 9000 تلاف عامل من غزة.

■غانتس طلب من أمريكا بشكل رسمي انهم يدعموا السلطة ويزبطوها.

■لو خشت المنحة القطرية حيقبضوا موظفين غزة 60%

■شيكات الشؤون بطل حد بجيب سيرتها حتى كذبة انه بنحضر الكشوفات بطلوها

■اليوم حيكون آخر ساعات بالمنخفض ان شاء الله

■مارك طابب حذف بحسابات الشباب عالفيس.

■بنات جدعات من الجامعة الإسلامية عملوا مشروع تخرج عاملات فيه عن مدينة سياحة في المريخ

■توفت الفنانة المصرية سهير البابلي بعمر 86 سنة

بكفي لعند هان ..بدناش نتقل عليكم

#صباح_الخير لعيلة الشيخ فادي من كبارهم لصغارهم ، حقكم ترفعوا روسكم فوووق بإللي عملوا البطل ،الله يرحمه

#صباح_الخير لأهل شعفاط النشامى ورجال العاصمة الجدعان

#صباح_الخير لجوان بنت الأسيـ ـر كايد الفسوس إللي كل يوم بتروح من المدرسة بتكون على أمل انه أبوها يروح أو تسمع خبر الإفراج عنه.

#يسعد_صباحكم🌹
22-11-2021

السلام عليكم ورحمة الله وبركاته



يسلموووووا ع النشرة الاخبارية المنوعة



يعطيك الف عافية



بانتظار جديدك دائما

يعطيك العافية علي المتابعة

تحياتي

متابعة جيدة أخي

يعطيك ألف عافيه

ربي يسعدك

تانككيوهه الاممميرر
وردهه

مشكور علي المتابعه