ما تستقويش حالك🙂🙂❤

مرة وحدة حكتلي " ما تستقويش حالك " يعني ما تعملي حالك جدعة وقادرة ع كلشي، أنا عارفة إنك قوية وعندك مسؤولية وبنت قد حالها .. بس اللي حواليكي لما بشوفوكي هيك بتعودو وبعتبرو عطفك وتفهمك وتحملك وقدرتك ومساعدتك صار حق مكتسب! وبالآخر رح تضطري تشيلي كلشي لحالك
والي بتقدميه من باب التطوع والعطاء رح يتحول لواجب ملزم فيكي ويحاسبوكي اذا قصرتي فيه

بالحقيقة كنت بفكر إنو القوة والجدعنة وقدرة التحمل بتتقدر أكثر من الضعف والإتكال

بس للاسف الحقيقة كانت مختلفة

لما الناس تشوفك قادر تحمل العبىء كلو لحالك وقادر تحل أي مشكلة وتتأقلم مع أي ظرف وقادر تشيل فوق كتافك من الإبرة للصاروخ .. وبتعرف تسند وتطبطب وتعدي وتتعود وتيجي ع حالك - رح يحكو معلش ما هو بتحمل !
معلش ماهو مش بحاجتنا ! معلش مهو بقدر! معلش مر ب أصعب من هيك! معلش بعرف يدبر حالو ! معلش في شغلات أهم منو ! معلش أزمة وبتعدي

بس الإشي المهم الي راح عن بال الكل إنو في للقوة رصيد وهالرصيد اذا تم إستهلاكو زيادة عن اللزوم ممكن ينفذ ! واذا نفذ بدون إعادة شحن ! رح تضطر توقف مكانك وترفع الراية البيضا، وهون الكارثة

عشان هيك ما تستقوي حالك ! خلي جانب فيكي دايماً بحاجة لحدا يسندو، ما تعوديهم ع إنك الجبل الي ما بهزو ريح ! ما تعوديهم ع التضحية ! ولا على قدرة التحمل اللامنتهية ! لانك مخلوق وعندو طاقة وقدرة تحمل ومشاعر وأحاسيس وحياة وإهتمامات ورغبات وهوايات 💜

عشان هيك ما تستقوي حالك ! خلي جانب فيكي دايماً بحاجة لحدا يسندو، ما تعوديهم ع إنك الجبل الي ما بهزو ريح ! ما تعوديهم ع التضحية ! ولا على قدرة التحمل اللامنتهية ! لانك مخلوق وعندو طاقة وقدرة تحمل ومشاعر وأحاسيس وحياة وإهتمامات ورغبات وهوايات


صحيح والله وهذا الصح
راقني محتوى الموضوع وكثير واقعي
ماننحرم ياعسل

كل واحد منا عنده طاقة معينة
والمفروض لا احنا ولا غيرنا يحملنا شي فوق طاقتنا
حتي ما تتعرض للانهيار فجأة
كلام جميل وواقعي
يعطيك العافيه

كلمات تستحق التآمل
احسنتٍ ملوكه❥
الله يبعتلك ايام حلوة
و
سنين احلى
تقييم
❥

اقتباس   المشاركة الأصلية كتبت بواسطة قبانيه الهوى عشان هيك ما تستقوي حالك ! خلي جانب فيكي دايماً بحاجة لحدا يسندو، ما تعوديهم ع إنك الجبل الي ما بهزو ريح ! ما تعوديهم ع التضحية ! ولا على قدرة التحمل اللامنتهية ! لانك مخلوق وعندو طاقة وقدرة تحمل ومشاعر وأحاسيس وحياة وإهتمامات ورغبات وهوايات صحيح والله وهذا الصح راقني محتوى الموضوع وكثير واقعي ماننحرم ياعسل

سرني ردك
تحياتي الك قبانية

انا مع هالحكى
يسلمو ملاك
ماننحرم

كلام سليم ١٠٠%

سلمتي

	السلام عليكم ورحمة الله وبركاته يسلمووووا ع الطرح القيم والجميل يعطيك الف عافية بانتظار جديدك دائما تحيتي