الضحححـ"كك واحراج"ج الشخص"ص الاخخر

الضحك وإحراج الشخص الآخر

الموضوع وللأسف موجود في حياتنا ومجتمعنا
وبالرغم من عدم اهتمام كثير من الناس به وعدم تسليط الضوء عليه !!

توضيح اكثر



كثيرا مانرى في بعض الاحيان مجموعة من الشباب يتجولون في متنزه أو شارع
فإذا احدهم يتعثر
واذا بزملاءه واصدقاءه يضحكون بصوت واحد ومرتفع
فيثيرون انتباه الناس
وعندما ننظر الى الشخص المتعثر فإذا بوجه محمر من الخجل ؟

او ترى مجموعة من الشباب او الشابات لكي يكون اكثر شموليه
جالسون في مجلس
وشخصٍ ما يتحدث بموضوع ما
وبشكل غير إرادي يخطئ بنطق كلمة ما
فإذا بأصدقاءه يعيبونه ويضحكون عليه
بل قد يضطر بسبب تصرفهم معه ترك الحديث وعدم اكماله!!

هل من المنطق عندما يتعثر شخص نضحك وهذا شي طبيعي في حياة جميع الناس؟



وهل من المنطق عندما يخطئ شخصا ما في الكلام
نعيب عليه ونضعه في موقف محرج امام الجمع الكبير؟؟

هل من المنطق عندما يتعثر شخص نضحك وهذا شي طبيعي في حياة جميع الناس؟

وهل من المنطق عندما يخطئ شخصا ما في الكلام
نعيب عليه ونضعه في موقف محرج امام الجمع الكبير؟؟

يعني ما بعرف شو لزوم الضحك بهيك مواقف...لانو مانو مطرحه الضحك اصلا
انا بالنسبة عني مستحيل اضحك على حدا بقع قدامي
سواء غريب او قريب
ولو فيي اساعد بساعد

بالنسبة للتعلثم بالحديث
من المواقف اللي بتربك الشخص اكيد...يعني ما في داعي نعمل من المسألة قصة
ونكبر الموضوع بالضحك والاستهزاء...الكل معرض ينحط بهيك موقف
وبعتقد ما حد بيحب يكون موضع استهزاء وسخرية الاخرين

هالتصرفات مو حلوة
ويا ريت لو فيها الناس يكونوا اكثر حرص على مراعاة مشاعر الاخرين

ميرسي عالموضوع عسولة
احترامي

هل من المنطق عندما يتعثر شخص نضحك وهذا شي طبيعي في حياة جميع الناس؟

من تعثر لتعثر بيختلف..في تعثرات غصب عنك ابتضحك بتحاول تمسك حالك بس ابتفلت..

بس بشكل عام مش منطق لانو كل الناس بيغلطوا ويمكن يتعثروا بفعل او كلمة ومن بين الناس انا...



وهل من المنطق عندما يخطئ شخصا ما في الكلام
نعيب عليه ونضعه في موقف محرج امام الجمع الكبير؟؟

اكيد لا بس احكيت انو مرات غصب عنو الواحد..

هسا الاشي كلو ما بيوقع بس عاللي ضحك ففي كمان كيف ردة فعل اللي اتعثر وغلط..

يعني في ناس بيتعثر والمتوقع انهم يضحكوا ببيضحك معهم وبيبتعد عن الاحراج وعالعكس هيك بتزيد شعبيتو بين الناس..

وفي اللي بيعصب وما تحمل هون رلاح اتكون النتيجة نتيجتين معاكسات اما يصير الناس يكرهوا ومَيمزحوش معو بحكم انو "شخص ما بيحب المزح" او انو يكرهوا ويصيروا يتهبلوا ويضحكوا ويرخموا عليه اكثر..وعالحالتين راح ينكره بين الناس..

طبعا هذا مش معناه انو بشجع على الترخيم واحراج الغير عالعكس انا ضد الاشي بس انو كل شخص بيمر بهيك موقف ولازم يعرف كيف يتصرف..

//

يعطيكِ العفية منووشة..

كثيير حلوو النقآآش..

تح ــياتي..

هل من المنطق عندما يتعثر شخص نضحك وهذا شي طبيعي في حياة جميع الناس؟
سبحان الله الضحك يكون غير ارادي وما نقدر نتحكم فيه بس مو القصد احراج الشخص
فبعض المواقف تجبرنا على الضحك بدون ما نقصده صحيح يسبب الاحراج للطرف الاخر بس بدون قصديكون
وهل من المنطق عندما يخطئ شخصا ما في الكلام
نعيب عليه ونضعه في موقف محرج امام الجمع الكبير؟؟
هنا لا اواقف هالتصرف لأن عيب علينا نحرج الشخص الي غلط بالكلام يمكن بدون قصد
أو انه تعبان فليش الضحك والسخرية من الاخرين عن نفسي اكره الشخص الي ينمسخر على غيره حتى لو بالمزح
حلو يكون في احترام متبادل بين الناس بالعكس من وجهة نظري اسمعه واندمع ولا احسسه بغلطه قدام الجميع واذا في شي
اكلمه بيني وبينه وبدون احراج هذا راي أنا
الضحك واحراج الشخص
الضحك جميل بس اننا نسخر من الاخرين لا فالله لا يسمح بذلك ولا ضمائرنا
فلما السخرية ..ترى الدنيا دوراه اليوم انت ضحكت عليهم بكره راح تشوف
الي يضحك عليك
والف شكر لصاحبة الطرح
تحياتي وودي

مش صح ابدا !
لانو كلنا بنقع ب اخطاء ولازم نحط حالنا مكانهم

انا ب اول يوم إلي ب الوظيفة الجديدة وانو بتعامل مع صبايا بعمر ال 16 حكيت الهم شي

اي صبية بتحكي كلمة وبسمع تعليق عليها من اي حدا راح عاقبه ل سبب بسيط اقلها هي حاولت !

لهيك ضد هاد الشي انا وانو المفروض م نحرج حدا ابدا لانو ممكن ننحط بنفس الموقف

هذا شئ مرفوض انسانياً في المقام الاول
تعمد احراج الغير يدل على نقص وعيب في الشخصية
علينا ان نغفر زلات الآخرين لا ان نبرزها ونقتنصها
شكراً لك