مش عايزاني

مش عايزاني
وجاية بكُل سهولة تقولي سلام
طيب تمام
هتاخدي كل حاجة وانتي ماشية
او هتسيبي ليكي حاجات
هتعرفي تاخدي مكانك في قلبي
والذكريات
والحكايات
الي كنا بنقولها
والوعود الي خدناها ساعات
واحنا بنحلم بالحياة
واجتماعنا وبيتنا
والولاد
واسمائهم وعددهم كام
هتروحي وبكلام عادي
او هنتخانق وحجج تافهه
ومبررات
وتقولي كلام يوجع
او مش هيبقى اي كلام
هتعيطي وانتي ماشية
عشان تتصدقي انك مش عايزة
وأن الظروف والنصيب
واني هبقى غالي وابقى حبيب
واني غصب عني بسيب
تمام
اهو الباب مفتوح
لو تحبي امشي
ولو تحبي ما تمشيش
بس مترجعيش بعد الجروح ما تطيب
مش هتلاقي مكان