كلنا غلط نسبيا .. و كلنا صح نسبيا

نسبيا ..

علميا مافي شي اسمو الحقيقة المطلقة ..
الحقيقة نسبية بحسب كيف بتشوفها عيونك ..
و كيف بتعكسها لدماغك .. و كيف بيحللها دماغك ..
كمثال بسيط جدا ..
لما بتطلع للسما بالليل و بتشوف النجوم انت فعليا عم تشوف تاريخ ..!!
يعني النجم الي عم تشوفوا .. بالوقت الي عم تشوفو .. مو موجود بنفس المكان ..
لبين ما يوصل ضوء النجم الى الارض و نشوفو .. بيكون مضى سنين ..
و طبعا منفكر انو نحنا عم نشوف النجم... هلئ هلئ ..
و انو هي الحقيقة ..!!
بس علميا مو هي الحقيقة ..

يعني نسبيا انت ممكن تكون صح .. و ليس كليا ..
و نسبيا ممكن كون على غلط .. وليس كليا ..

مشكلتنا انو ما تربينا على اساس هي النظرية الي بتقول ..
انو مو ممكن نكون صح مية بالمية ..!!
و منفكر حالنا دائما نحنا الصح ..
لذلك مو ممكن نتقبل الاخر ..
و لذلك منطبش بعض عند اول نقاش مع الرأي الاخر .

بالنهاية ..
كلنا غلط نسبيا .. و كلنا صح نسبيا

حلو الكلام
وحقيقي فعلًا بصير هيك
يعطيكِ العافية خيال
كلّ الشكر.

بالنهاية ..
كلنا غلط نسبيا .. و كلنا صح نسبيا

اكيد .م في حد م بيغلط او معصوم من الغلط
كلنا بشر
حبيت جدا
يسلمو غلاتي♡

ما في غلط دائم ولا في صح دائم
ولكن كل تناسب ماشي معنا
دمتِ بخير وسعاده

لا توجد حقيقة نسبية في الكون سوى وجود الخالق
شكراً لك للطرح
كل التحية لكِ
وكوني بخير

كل الشكر و التقدير