خليك ساكت

راجع يعتذر عن سنين فاتت
بعد اما فينا حاجات ماتت
ولا عدش ينفع ندم
ولا عدش ينفع كلام
اللي بيننا مش خصام
او غياب
اللي بيننا حبل وداد
وتقطع 100 حته
ما تحاولش تربط فيه
مهما عملت حتفضل العقده
هيفضل الباب متقفل في وشك
وملكش في حياتنا اي سكه
فخليك ساكت
طريقنا مش واحد
وحياتنا مش واحده
القلب بعد الفراق
بقى جاحد
ويحسب اللي يتقال بالكلمه
لو جاي وراسم على وشك ندم
وفاكر القلب هيحن زي زمان
تبقى اكيد غلطان
في كل يوم غياب كان الوجع ينقص
وكل لما يقولوا معاه حد جديد
كان الحنين ينقص
قالولي من الاول باين عليك كذاب
وفضلت وراك االون
وداري على كذبك
كنت فاكر القلب الحديد
مع المحبه يلين
وانك حتى لو خاين
مش هتبيع عشرة سنين
انا كنت معاك عايشها بالفطره
لعندي سوء ظن ولا بحسب
ولا عامل حساب بكره
اللي هو اليوم دلوقت
شوف بقالنا كام سنه غايبين
شوف الكم سنه سالت عليك كام مره
وانت لو جاي وشفتني تدور وشك
وقال قولت علي زمان
ان انا ضي حياتك
وان انا نور لعينيك
ما يكونش دلوقتي عايشها ع العتمة
وقاعد لوحدك وحزين
وبتفكر فيا سنين
كذاب وعارف ان انا عارف انك كذاب
ومش مكسوف
وبتتكلم منو غير خوف
خلاص الغباء اللي كان زمان
ما بقاش منه
انت لو مكسور بجد
مش هطبطب عليك
عدي الطريق وامشي
شوفلك مكان ثاني
انا مش عايش العمر عشانك
انا مش ناقص في حياتي
حد اناني
فخليك ساكت