انا مش جاحد

انا مش جاحد
عشان تعدي قدامي
وما التفتش
انا مش نااكر
لكل ايامنا الحلوة
عشان تعدي بسهولة
قصادي وما اتهزش
انا عيني لما بتشوفك
ما بترمش
بخاف تكوني خيال
وتتمحي الصورة
وانا حتى ما لحقتش
تتملي روحي منك
انا عشت معاكي
سنين سعيدة
انا عشت جمبك
ليالي حُب ما تتعدش
سنين بالقلب محفورة
ولسه ما زلت
مجرد بس ما افتكرك
بعيش شعور
وبتنفس كأن كل نفس
فيه حبك متبت
ومكدبتش
لما اقول اني مندمتش
كُل اللي عشته معاكي
كان جميل
ولو قولت بصراحة
هي بس ايامنا الاخيرة
كان في قسوة مش عادية
كان كلام كُلو اذية
قولت يومها مش هي
بس هي هي الملامح
والصوت الطيب بقى جارح
يمكن عشان نفارق
بس مش لازم نفارق مجروحين
مش كُل ما افتكرك ابقى حزين
انا عشت معاكي ايام ما تتعدش
مش هنكرها في يومين
ومهما قولتي يوميها كلام ما يتذكرش
اللي في القلب ما يتغيرش
ولسه باقي
ولسه روحي يزيد ابتهاجها
لما اشوفك قصادي ..
انا مش جاحد