قلي بس كلمة احبك واترك الباقي عليه

قل لي بس كلمة أحبك .. وأترك الباقي عليه..
قولها بنظره عيونك .. وخذني يا عمري هديه..
*************
عشت انا عمري لوحدي .. انتظر لحضه هنيه ..
ارتجي لمسه حنونه .. وابتسامه لو خفيه ..
كان ميعادك حبيبي .. ليه تتغير عليه ..
*************
جيت ابسأل نبض قلبي .. الأمل هل له بقيه ..
المحبه جاوبتني .. المحبه الأوليه ..
انت أول حب عندي .. وانت آخر شي ليه ..
*************
انا ما سلمت قلبي .. لا انا روحي وفيه ..
وعمري ما غيرت دربي .. وما معي نيه ونيه ..
انما حبك أمرني .. وامرك بيمشي عليه ..

الشاعر محمد القرني
غنّاها عبد المجيد عبد الله