مش عتاب

مش عتاب
بس كان لازم يتقال الكلام
ويتفتح كتاب
مقفول بقاله كام سنه
انا عايز القى جواب
جواب الاسئله
، بسالها لروحي من يوميها
في كل ليله
والوم عليها
وادور في اخر سطور قلتيها
وحاول اكرهك بيها
لكن مفيش
رغم ان الكلام يضايق
وكنت مخنوق جدا يومها
قولت انسى
قطار العمر هيعدي
ويجي غيرها
بس تقول لمين
القلب دا يفكر في ثانيه
غياب سنين
والعقل حاير حزين
يعيد يزيد بنفس الاسئله
هو كان ظالم فالحكايه
ولا تظلم فيها
كان بيدي وعود ثقيله عليه
بس بيحاول عشانها
بكل طاقته
هي لو شر بحياته
كان عايزها
بس فجاه اتقلب حالها
وهدت احلامه معه
والصمت على عالكلام
القسوة طغت على الكلام
وتبدل الحب لخصام
والكلام بعد ما كان
يهدي القلب ويفرح
كان بيجرح
كان في قسوه تذبح
من قال اني اللي يعوز يفارق
بيبقى جارح
ويقول كلام من غير حساب
انت عايز بعد ما تحب السنين
بيوم وليله تبقى انسان غريب
امرك عجيب
هو انت كنت تحب انسان خشب
او بليد
اهي عدت كم سنه
و ما نسيناش
ولا حلمنا بيه
ما حد غير اتعاش
وتغيرت حاجات كثير بحياتنا
ودخلوا فيها اشخاص جداد
بس برضه عايز اعرف
الي عدينا فيه
كان مترتب من قبلها
ولا جه نصيب

(٨/٩) - (٥:٥٥)