أخبار_عالريق

#أخبار_عالريق 792 يوم
✅يكتبها/سعيد الطويل

■شوية حرامية من غزة سرقوا نص مليون شيكل من صراف عملة وانمسكوا بعد أقل من ساعتين هما والسيارة المسروقة إللي معاهم

■الجالية الأوكرانية والروسية إللي بغزة بيكتبوا ليل نهار عن الحرب تقلقوش وضعهم بخير وأمورهم تمام ومش ناقصهم غير كرت جوال وكابونة معلبات من إللي يحبها قلبك

■الأخبار إللي بتقول انه انقصف توكتوك وفزبتين عن دوار القرم ومحطة كاخوفسكايا بأوكرانيا مضروبة وكلها اشاعات مصدرها #أم_رمزي ع جروبات النسوان.

■سلامة معروف حكى انه المنحة القطرية تبعت موظفين غزة وقفت ،ومحدش بيقدر يحكي بالموضوع إلا أبو اسماعين العمادي

■محكمة غزة حكمت بالإعدام على الزلمة إللي قتل عليان اصليح قبل كم سنة

■اليــ ـهود أفرجوا عن أسير من بيت لاهيا اسمه محمد عبدالله قاسم بعد ما خلص 14 سنة بالظلم.

■زي اليوم سنة 1994 دخل مستوطن حاقد على الناس إللي بتصلي وهما ساجدين بشهر رمضان بالحرم الابراهيمي وقتل منهم 29 واحد استــ ـشهد وهما صايمين وساجدين اللهم يرحمهم

■ماسكين نص طن بطاطا خربانة وعشرين كرتونة رنجا معفنة وكم كرتونة تمر من السنة إللي فاتت مش مخزنات مزبوط وريحتهم طلعت.

■الدولار طالع فوق شابط شبط يا بختي إللي خزن وهوا رخيص.

■شب من دير البلح كب ع حاله بنزين وحرق حاله ووضعه لسة صعب.. ربنا يشفيه

■الوكالة بدها تعمل مخيمات لألعاب الصيف هذه السنة وحتنزل كبشة وظايف

■الوكالة كمان بتقول انه بدها تبلش تصليح واعمار بالبيوت إللي تدمرت بالحرب خلال فترة صغيرة.

■بيقلك الجزائر رجعت تتصل من أول وجديد عشان يكملوا الحوارات تبعت الفصائل يعني طشة جديدة ببلاش.

■العزايم رايقة بس موسم الأعراس إللي جاي عالبلد جامد وكله ضغط وتلت ترباع الصالات انحجزت

#صباح_الخير للجالية الأوكرانية إللي بغزة وجهزوا حالكم حيكون في توزيع شوية حرامات وكابونات من المرتبة جايات تبع من فرنسا وحيفتحولكم مدرسة قريبة من الرمال عشان تزبطوا أموركم وبالنسبة لبناتكم شبابنا جاهزين يجبروا خاطرهم ويتجوزا منهم كمان ..

ومعلش تأخرنا شوية اليوم عليكم 🙏

أحسن حاجة اليوم تصلوا عالنبي
اللهم صل وبارك على سيدنا محمد

#جمعة_مباركة
25-2-2022

السلام عليكم ورحمة الله وبركاته



يسلموووووا ع النشرة الاخبارية المنوعة



يعطيك الف عافية



بانتظار جديدك دائما

يعطيك العافية لمتابعتك هالاخبار

كل الشكر و التقدير

يسسلموو الاممير
+ وردهةة

كل الشكر والتقدير

تشكر ع النشرة الإخبارية
يعطيك العافيه أخي
ربي يسعدك ويحفظك
طابت مساءاتك

يعطيك الله العفو والعافية