اذا قلتلك تقبرني لا تحفر وتطمرني

ملحق من أقوال ستي
—
في ناس بتطبخ رفع عتب.....
وفي ناس طبخها بورجيك العجب.....
وفي ناس نكهة الحب على طبخها غلب.....
وفي ناس بتتفنن وترتب لدرجة إنك تقول وااااو ياللعجب.....
من روعة طبخهم بيتقدم للملوك واعالي الرتب.....
ناس سفرتها بسيطه وناس ملاعقها من ذهب.....
وكلمة تسلم أيديكي بتنسيكي كل التعب.....

اذا اجى الدهر معك ... واحد بيعزمك وواحد بيحلف عليك .....
واذا اجى الدهر عليك .... واحد بيدفشك وواحد بيوقع عليك .....

قالت ستي : في ناس بحياتنا #عزوة_وسند
وفي ناس بحياتنا #كمالة عدد وفي ناس ما إلها أساس
وفي ناس بضهرك #بتحاااارب_بلد "💜

قالت ستي ..
من الخسة طعماني ورقة. ومن الجاجة شربني المرقة ...

قالت ستي ..
ياريت هالبيت يضل مفتوح والحبايب تجي وتروح ...

قالت ستي ..
يا بيت صبحناك يا بيت مسيناك يا بيت لا تؤاخذنا اليوم مازرناك ...

قالت ستي ..
في ناس مناح ومافي منهن
وفي ناس منيح يلي مافي منهن ...

قالت ستي ..
بنت الرجال عانت واستعانت وبنت الاندال حطت راسها ونامت ...

قالت ستي ..
اللي ما بينطاق دواه الفراق ...

قالت ستي ..
المونة بدها ركونة مابدها مرا مجنونة ...

قالت ستي ..
في ناس محتاجين لعمليات تجميل. شفط حقد .وزرع مخ .وتبيض قلب. وإصلاح نية وإستئصال لسااان ...

قالت ستي ..
ماكل شخص بيحكي فهيم ولا كل شخص بيسكت بهيم ...

قالت ستي ..
طالما الجيبة عمرانة الصحاب كترانة ...

قالت ستي ..
اذا قلتلك تقبرني لا تحفر وتطمرني ...

قالت ستي ..
العشرة يلي هانت ياريتها ماكانت 👌

قالت ستي ..
ياريت هالبيت يضل مفتوح والحبايب تجي وتروح ...

اه والله يا ريت اشتقنا لزمان اول وقت الخير

صح السانهاا
كتير حبيت المووضوع الله يعطيكي العافيةة

اقوال جميله
تسلمي لاادراجهم

اقوال جميله
تسلمي لاادراجهم

السلام عليكم ورحمة الله وبركاته


يسلمووووا ع اقوال ستي ما اجملها



يعطيك الف عافية



بانتظار جديدك دائما





تحيتي

فعلاً أقوال جداً جميله
حبيت إنتقائك المُميز
ربي يسعدك حبيبتي