عندي رغبة

أنا لسا عندي رغبة خفية فيك
لا تصدّق كلّ كلمة بقولا ، ولا تصدّق أنّي بدي ياك تروح
أو مبسـوطة من بعدك ..
و بسأل عنك لحتّى السـؤال يتعب ،
لسا عندي شَـغف اسمع أخبارك
أو اسمع شو عملت اليوم ..
و شو أكلت .. و وين رحت
لسا عندي شَـغف بتفاصيلك
قلتلي مرّة الوقت بيقتل ..
بس ما قتلك .. خلاك بقلبي!
هذبت نفسي كلّ مَرّة فكرت فيك ،
أو قلت بعدك بتذكّرني؟
بعرف أنّه في حدا تاني هلق و مكاني تعبّى
بس أنتَ قلتلي أنّي ما بتعوض!
و اللّي بيخسـرني بيخسـر كنز!
طيب كيف أنتَ عم تخسرني هيك و تسلم قلبك لحدا تاني
بعرف أنّه قلبك عتيق .. و ما بيتبدل
و معلّق بعطُـر ما بيروح
ليش عم تتغيّر!
ماني حزينة لأنّك صرت مع حدا تاني ،
بس أنا عم انطُـر ..
سهّرت عيوني ليالي طويلة ،
و عشـت الثمنية عجاف .. و عَ أمل تجي!
ما رح قلك كيف هنّت عليك ،
بس كنت تقلي بهمّك!
و هلق؟ يعني خلص؟ ما رح تكون الأمل الصغير!
و الحُـبّ القوّي؟
قلتلي ما رح تحبّ غيري!
طيب أنتَ مبسـوط؟
طالمّا أنتَ هيك مرتاح و بسمتك عَ داير وجهك
فأنا مبسـوطة .. و دعواتي بترافقك♥️

الحب مو بالزور
الحياة مابتوقف عند حدى
احيانا الاهتمام اهانه

انتقاء رائع ملوكه
الله يبعتلك ايام حلوه
و
سنين احلى

اقتباس   المشاركة الأصلية كتبت بواسطة قمر الماما الحب مو بالزور الحياة مابتوقف عند حدى احيانا الاهتمام اهانه انتقاء رائع ملوكه الله يبعتلك ايام حلوه و سنين احلى

كلامك صح
احيانا كتر الاهتمام اهانة للشخص المهتم

كلمات عفوية
لكن زي ما قالت قمر الماما
اللي بهون عليه عشرتك او حبك امحيه من ذاكرتك
الحياة مستمرة وفيها المليارات من الناس
ما بتوقف على انسان واحد

سلمتي ملاك

اقتباس   المشاركة الأصلية كتبت بواسطة overthinking كلمات عفوية لكن زي ما قالت قمر الماما اللي بهون عليه عشرتك او حبك امحيه من ذاكرتك الحياة مستمرة وفيها المليارات من الناس ما بتوقف على انسان واحد سلمتي ملاك

المليارات هاتلك واحد يهتم بهيك كلام

اقتباس   المشاركة الأصلية كتبت بواسطة ملاك الحب المليارات هاتلك واحد يهتم بهيك كلام

هيني انا ولا مش عاجبك

كلام راقي حفظكم الله

اقتباس   المشاركة الأصلية كتبت بواسطة فارس المصري كلام راقي حفظكم الله

شكرا

اللي بتهون عليه عشرتنا وبنسانا ما بستاهل لا نتذكره ولا نستناه
ولاا حتى نفرحله لانو فرحان لانو بنى سعادته ع ع تعاستنا
يعطيك العافية لادراجك الراقي ..

اقتباس   المشاركة الأصلية كتبت بواسطة الصياد اللي بتهون عليه عشرتنا وبنسانا ما بستاهل لا نتذكره ولا نستناه ولاا حتى نفرحله لانو فرحان لانو بنى سعادته ع ع تعاستنا يعطيك العافية لادراجك الراقي ..

كلامك صح
هو مبسوط بس اتعسنا

الف شكر الك