سؤال للنقاش

سؤال
شو رأيكم في اللي بتطلع لايف في التيك توك وهي محجبة
وكلامها حد المعقول ومحترمة بخلاف الباقي !!!
بتدعو لهيك اشي والاستمرار ولا بتحس الاشي ناقض للحياء

لو كانت اختك اللي بتعمل لايف وبشكل محترم ومفيد بتخليها تستمر ولا

يحنا في زمن مختلف صار كل اشي منفتح حالياً يعني تحت هالمسمى المشهور
هل الموضوع اله علاقة بالانسان اللي بغير على عرضه او الديوث


سلمتم

اذا بس صوت ممكن تعمل محتوى هادف
بس لايف صوت وصوره مثل مابنشوف الحين
صعب لسى بتحكمنا العادات والتقاليد بهذا الشيء


شكرا لسؤال المهم

انا م عنديش تيك توك وما بعرف انه فيو لايفات
بس بحضر لايفات ع انستا
اشياء بتخزي
ضحك ولبس فاضح
يطلع شب وصبية

لو لشي هادف
دكتورة او هيك اشيا انا مع
بس م يكون في قلة احترام
التعليقات بتخزي صراحة
حتى لو محجبة
قبل كم يوم دخلت لايف ديما زيتون
مع وسام علي
ما خلو عليهم
التنين محتواهم بجنن وايجابي
وديما محجبة
كلام بخزي حكو بالتعليقات
انا ما بشجع على هيك شغلات
صراحة
فيها تطلع تعمل فيديوهات افضل من اللايفات

مادام بتطلع ب احترام وبتحكي شي مفيد مافيها اشي

ومادخل الديوث والغيرة ب الموضوع

يعطيك العافيه

هي طالما محجبة وبتحكي كلام محترم ومعقول ما فيها شئ

وبخصوص الشق الثاني من السؤال لا ما بخلي اختي تحكي وتعمل هيك


تحياتي لك

م بأيدو هالشي
طاب مسائك

مبارح شفت فيديو لوحدة اسمها شهد و زوجها اظن محمد
المتابعين طلبوا تقرأ قرآن ..
للأمانة كله فيديو مسخرة رغم انها شبه محجبة
حاطة شالة و رقبتها مبينة
بالنهاية قرأت قرآن ، بتلحن تقول اغنية
مش راكب الموضوع
ما عجبني الإشي ابداً
لو محجبة و موضوع هادف كمان ، بعد اللي شفته مبارح
انا ضد و جداً
بعدين و لا وحدة بتطلع لايف بدون مكياج و لو خفيف
غير هيك تعليقات الشباب عن جمالها و لا عيونها كله هي بغنى عنه
لهيك صعب اتقبل هالفكرة ..

تحياتي

المشكلة بالحجاب نفسه
ماشفت محجبة من المشهورات تطلع بدون ماتحط كيلو مكياج على وجهها
اذا محتوى صوتي فقط مافيها مشكلة
أشكرك على السؤال

ضد اللايف للبنات
يسلموو خالد

انا ضد هاد التطبيق وضد اى حدا بيشارك فيه
واكيد م بسمح لاختي تشارك فيه مو تعمل فيه لايفات


عوافي