اخبار اليوم الخميس

✅يكتبها/سعيد الطويل
■دخلوا مبارح جرافات اليهو.د يجرفوا ويتوغلوا بأراضينا ، تحركشوا فيهم الشباب وطخوا عليهم أربع طلقات من البارودة عالجراف شرق خانيونس.
■اليهو.د مسكتوش وقصفوا بالمدفعية كم مرصد عالحدود ،والحدث خلص لكن تقريبا انه القصة فيها لسة رسايل.
■من شهر إلا شوية صغيرة أول مرة تمطر لسة مبارح .
■اليوم جاي منخفض حلو يزبطكم بحجر الخميس والجمعة،عشان تنبسطوا منيح.
■وبيقلك جاي كمان بعد هذا المنخفض متخفضين تانيات ..والله أعلم.
■اتفقوا على قرار مبارح بعزل ترمب عشان قصصه اللي بتخزي اللي عملها آخر فترة.
■المكافحة برفح مسكت خمسين ألف حبة روتانا من النوع القوي.
■اليوم أول يوم بشهر جمادي الآخر يعني ضايل تسعين يوم بالضبط لرمضان.
■وزارة الأوقاف عملت اتفاقية عشان تجهز أكبر مول بقطاع غزة مساحته أربع دونمات وشوية.
■تصاوبت مجندة "اسرائيلة" عالحدود الجنوبية من فلسطين وهي بالموقع تبعهم ووضعها صعب.
■الفيفا بتعرب عن أسفها عشان الاحتلا.ل قصف مقر نادي التفاح الرياضي الشهر اللي فات.
■غازي حمد صرح انه المنحة القطرية حتضل تنصرف على طول للمستفيدين لكن فش موعد لسة للصرف.
■عيلة عوض نزلوا بيان بيطالبوا فيه النائب العام بفتح تحقيق بظروف وفاة ابنهم بمهة للشرطة.
■عجل شرد بعبسان مبارح كسر الدنيا ولحقوا الدفاع المدني وسيطر عليه ،والحمد لله فش اصابات.
■اصابات الكوور.نا اليوم 368 حالة والنسبة ماشي حالها.
■أوقية مكسرات مرتبة مش من المكسرة بعشرة شيكل.
■نازل عرض على شوكلاته ميرسي بعشرة شيكل برضه.
■اغراض النابلسية كلها جاهزة بعشرين شيكل بتعملك صدر صغير تكيف حالك فيه بالحجر .