أفكارك تجذب أقدارك 💙

- صاحبيتي كانت مخطوبة، كُل شوي تحكيلي :
" حاسّة رح تتفركش الخطوبة، حاسّة ما رح تكمل، مُمكن تنتهي! ".
الخُطوبة انفسخت عنجد!.

- أعرف وحدة كانت تقول :
" لمّا أدعي رب العالَمين بشيء بعرف دعوتي ما رح تتحقّق بس أدعي ".
ولمّا الدعوة ما تتحقّق تقعُد تبكي، وتقول :
" ليش؟، مش أنا دعيت، ليش ما تحقّقت دعوتي؟ ".

- كان في شخص بعرفه كان بس يقول :
" الدنيا سُودا، والبلد هذا ما في شيء ينجح فيه، وما حدا يحقّق أي شيء مِن أحلامه، و و و و..".
هالإنسان ما سوّى أي شيء بحياته، وبقى مُحطّم!.

- بنت كان وزنها ٩٥ کیلو، وكانت تبكي لمّا حدا يحكيلها :
" أنتِ سمينة "، وتطلِّع قهرها بالأكل.
قعدت بيوم وقرّرت تضعف، كُل يوم الصُّبح تطلَّع بالمراية، وتقول :
" اليوم ضعفت عن البارحة، الحمدُلله، رح أمشي ساعة وما آكُل حلويّات ".
خلال ٤ شهور وزنها صار ٦٥ کیلو!.

- الإمام "علي" - عليه السّلام - قال :
" كُلُّ مُتوقّعٌ آتٍ؛ فتوقَّع ما تتمنّى ".

- د. "إبراهيم الفقي" قال بكتابه "اهتمَّ بذاتِك" :
" فكِّر بالأفضل، وتوقَّع الأفضل، وقُم بالأفضل ".

كُل هذا يتلخّص بجُملة :
" أفكارُكَ تجذِبُ أقدارَك "
اللي رح تفكِّر فيه رح تعيش بداخله رح يتحقّق، والله رح يتحقّق!.

وأولاً، وثانياً، وأخيراً :
" أنا عندَ ظنِّ عبدي بي، إن كانَ خيراً فلَه، وإن كانَ شرًّا فلَه " 🖤