لو ازعل على كل البشر ما ازعل عليك ...~

العتب ما هو زعل لو ضايقك كثر انفعالي ..
وأنت لو ازعل على كل البشر ما ازعل عليك ..

بس لا طال الغياب وضاقت صدور اليالي ..
سقت لك ما جا على البال وتحمل ما يجيك ..

يوم شفت الكون كنه في غيابك شبه خالي ..
صحت في وجه الزمان وقلت فيك وقلت فيك ..

ضاقت وساع الفجوج بعيني وزاد انشغالي ..
وين رحت؟ وليه رحت؟ ولا متى وأنا أحتريك ..

كنت أدور في عيون الناس إجابات لسؤالي ..
يمكن أعرف وين رحت ؟ وليه رحت ؟ وكيف أجيك ؟ ..

كنت أقول لكل ما وطتك اقدام غالي؟ ..
من كثر ما كنت ابي قربك وابي دربك وأبيك ..

كنت عنك اسأل نسيم الصبح لا مر متعالي ..
ما حمل يمي على دربه جواب من يديك ..

والسما والغيم يوم انه بعد طاهر وعالي ..
وانشد اليل إن ذكرت اسود جديل مكتسيك ..

وامتلى صدري عتب وأنت السبب في ما جرالي ..
ومن بعد هول التعب جيت اشتكيلك أشتكيك ..

تدري انك كل عشقي وان غيرك ما طرالي ..
وانك بقلبي لحالك وان ما لك به شريك ..

وان قلبي لو تفجر بالعتب وقت انفعالي ..
ازعل منك وغيابك ما يزعلني عليك ..