يمكن أكبّر تخلُّف عمّ نعيشو بهالأرض أنّو نعطي محبّتنا حسب الجمال

يمكن أكبّر تخلُّف عمّ نعيشو بهالأرض
أنّو نعطي محبّتنا حسب الجمال ..
هاد حِلو! هاد شريك حياتي و هاد اللّي بكملني
بعمرنا ما اطّلعنا لشي فوق الجمال
لأنّ نحنا هيك في فكرة بمخّنا البشريّ الحياة عبّارة عن الجمال
بعمري ما شفت بشع شرّير .. بس غريبة لمّا نلاقيه
شرّير ما بنسأل حالنا ليش؟!
الأنسان حِلو بكلشي ..
مافي حَدا مانو حلو ، و قلبو ابيضّ
بس هاد الشرّير
تحوّل من كتر الحكي عَ شكلو ..
عَ التنمُّر اللّي بعيشو
أنفك كبير متل الباتنجانة .. تمكّ صغير خبيث
لابس نظّارات ابو اربع عيون ..
حواجبو كثاف متل الغول ، وجهو فيو نمش
هاد بيشبه حمار الوحش
طالع حبوب بوشو هاد مشوّه .. سمّين متل البقرة
التّشبيهات مقرفة .. لسا اللّي بشبه هيك عَ اقرف
قديش بستخف بالنّاس اللّي عايشة بس تنّظر
و تحكي ..
أنتو ما بتشوّفو حالكن! طيب ما بتشوّفو
الشخص كيف زعل و دايق؟! ما عندكن إحساس!
بس أنا متأكّدة اللّي بتحكو عليه
هو أجمل منكن بكتير .. بكفّي قلبو نقي و صافي♥️🩹
-