أنتِ جميلة باختلافك 🧡

قصيرة ،طويلة ،بيضا، سمرا، ناصحة، نحيفة، وجهك كله حبوب، اعملي عمليات تجميل لتلاقي عريس، تزوجي عنستي، يييي أرملة الله يعينها، جوزها طلقها أبصر شو عاملة!
وكتير مصطلحات بتتداول بمجتمعنا وبتتعنف كل أنثى فينا وأكيد سمعت قصص أو كانت هي الشخص المُتنمر عليه من قِبل قواعد انفرضت علينا لنوصل لرضى كل شخص بنقابله.
أنتِ مش شخص لتكوني كاملة بمواصفاتك الجمالية، أنتِ جميلة بنقصك قبل كمالك، بضعفك قبل قوتك، لا تسمحي لأي شخص يهزّ ثقتك بنفسك ويقرر شو أنتِ لأنك أقوى من هيك.
بكفي!
طولك الزايد أو قصرك تميز الك، حبوبك السودا وهالاتك هي إنجازات مثابرتك لتكوني قوية، نحافتك وزيادة وزنك عبارة عن بصمة حلوة بتميزك عن غيرك، نحن مش آلات لنعجب كل الناس ونكون بجمالنا ضمن قراراتهم.
ولا تهتمي لأي كلمة بتخص وضعك الاجتماعي أنتِ مش عزباء أنتِ ما لقيتي الشخص الي بناسبك، أنتِ مش مطلقة ومش غلطانة لأنه فش وحدة بتقبل تضل تحت جور واحد ما بستاهلها وما دامك وصلتي لهاي الحالة وهاد القرار أنتِ قوية وقدرتي تختاري قرارك بنفسك لهيك أنتِ أكتر من رائعة.
وبالنهاية أنتِ أنثى جمالك باختلافك وتميزك مش إنك تكوني نسخة عن غيرك، عمليات التجميل، الفيلر والبوتوكس، المكياج والماسكات هي ما بتجملك، أنت جميلة بجوهرك وروحك، جميلة برضاك عن نفسك وثقتك فيها ولو حبيتي تزيدي من جمالك وتبرزيه لا تعتمدي على هاي العمليات لأنك جميلة بلا ولا شي 🖤

كل الشكر و التقدير

تكون جميلة بطبيعتها
بتوصل للقلوب قبل العيون

سلمتي

مشكورة وتر عالموضوع الملفت للنظر .
لازم ما نوقف عند حشرية البعض وكلامهم الجارح .
ونتقبل حالنا بكل شي .
تحياتي .

لخصتي الموضوع من العنوان وتر
الاخلاق تقرب المرء من جميع الناس
اشكرك

ككلل بننتت اللهه خخلقهاا
ممختلفهه بسس لوو ضضضلتت ممتل ممهي ")
+ و الصصفات مموو ككلششي
يسسلمموو ووتر
وردهه

صدقتي بكره الي بيدققون ليش انتي قصيره او طويله وزنك مو منيح شكلك بده عمليات وعلى ايا شيء يصدرون احكام وانتقادات لاذعه
الشخص مش بشكله ...الشخص بروحه الحلوو وثقافته وتميزه
يرتقون شويه بيكفي جهل

....
حلووو موضوعك وواقعي كثير حبيبتي

\
كلاام كثير حلو واكيد كل شخص وبنت حلوة ومميزة باشي
فش حدا كامل
وطالما احنا راضين عن حالنا وواثقين بشكلنا بهمش رأي حدا تاني
يعطيك العافية لادراجك ..

	السلام عليكم ورحمة الله وبركاته يسلموووووا ع الطرح القيم والمفيد يعطيك الف عافية بانتظار جديدك دائما تحيتي

كلك ذوق
إعجابي