أخبار_عالريق 196 ✅يكتبها/سعيد الطويل

#أخبار_عالريق 196
✅يكتبها/سعيد الطويل
■فش حتى الآن أي علوم عن رواتب السلطة ولا الشؤون ولا ال100دولار تبعت العمادي.
■ضايل أسبوع ويخلصوا طلاب التوجيهي ع خير ،وبيقولوا خلصوا تصليح ورق الدين والأمور تمام.
■مالية غزة حتصرف اليوم رواتب الشهد.اء والجرحى والأسر.ى المقطوعة رواتبهم.
■الشرطة بتحقق بوفاة راجل كبير بالعمر عمره خمسين سنة لقيوه مرمي ببير مية بنابلس.
■وزارة الزراعة طلعت قرار بتمنع فيه استيراد اي دوا بيستخدموه في الزراعة قبل ما يتأكدوا من سلامته.
■مبارح بس في أربع حالات وفاة من الفلسطينية المغتربين في السعودية.
■طيارة اماراتية نزلت بمطار بن غوريون على عينك يا تاجر.
■السلطة شكلها داخلة ع تصعيد والأمور طحن مع "اسرائيل"،وربنا يستر من الايام الجاية.
■سبع حالات كورونا جديدة بالخليل وتنتين في اريحا .
■حسين الشيخ بيقلك انه مخطط الضم الإسرائيلي يعني انهيار المفاوضات.
■الشمام الكيلو بشيكل ؛والبياع زهق وهو بينادي عليه.
■الجاح بتمنية شيكل اليوم الكيلو ،وفش حد بيشتري.
■الحركة بالسوق ماكلة هوا،الله وكيلك.
■حركة الأفراح بالصالات وبرة الصالات ضعيفة جدا.
■اصابات بالخليل والقدس واليهود اعتقلوا الليلة اللي فاتت 7شباب من الضفة.
■منظمة الصحة العالمية بتحذر من أنه وضع الفيروس التاجي العالمي "بيزداد سوءًا" ..يا حلاوة 🤔.
■الدولار اليوم ب3.44شيكل والكل ضاوي ومفلس.
■تقريبا 800واحد مات بأمريكا بيوم واحد من الكورونا ،يعني الأمور رجعت زي أول.
■من الصبح في جرافات لليهود بيتوغلوا بشمال غزة وبيجرفوا بأراضي المزارعين.

#صباح_الخير للناس الي منامتش ليلتها من قطعة الكهرب والشوب وكمان عشانها بتفكر بالوضع والظروف والمصاري والديون وأجار الدار والأكل والشرب وكرت الكهرب ودين الدكانة وأكلة يوم الجمعة وعلاج بنته الصغيرة وبرهم لأمه الي ساكنة معه وبامبرز لبنت أخوه الحردانة عند بنفس الدار .
#صباح_الخير للمقهور والموجوع والمكلوم والمحجور مش بأمر من حد والمديون والمفلس والي ضاوي واللي معوش ولا شيكل يعطي صغاره واللي مسكتش جواله وهو بيرن عشان الديون ،واليي صارت بينه وبين نسيبه زعلة عشان أخذ خاتم اخته وباعه يوم عملية ابنه ومقدرش يرجعه .

#صباح_الخير وان شاء الله اللي جاي أحلا 🌹🌹
قولوا يارب

كل الشكروالتقدير

كل الاخبار بتغم
يعطيك العافيه
تقديري

■الشمام الكيلو بشيكل ؛والبياع زهق وهو بينادي عليه.
هاد اهم خبر
باقي الاخبار مش مهمة ههه
عوافي

مشكور للمتابعة

كل الاخبار بتنفعش تكون ع الريق ابداً
يعطيك العافية لادراجك ..

	السلام عليكم ورحمة الله وبركاته يسلمووووا ع الخبريات المنوعة يعطيك الف عافية بانتظار جديدك دائما تحيتي