صلوا في بيوتكم

" #صلوا في بيوتكم !!

•• إخرجوا و تسوقوا ما شئتم ،،
ولكن : صلوا في بيوتكم !

•• ولتفتح الأسواق والمولات
والعيادات الطبية ،،
ولكن : صلوا في بيوتكم !

•• وليعمل الحدادين والنجارين
وأصحاب المهن المختلفة ،،
ولكن : صلوا في بيوتكم!

•• وليباشر الموظفين في دوائر الدولة ،،
ولكن : صلوا في بيوتكم !

•• ولتفتح محلات الألبسة
ومحلات اللحوم والمشاوي ،،
ولكن : صلوا في بيوتكم !

•• وكأن هذا الفيروس لا ينتقل
ولا يتكاثر إلا في بيوت الله
من الجوامع والمساجد !!
ولحد هذه اللحظة لم تسجل أي إصابة
في بيوت الله في كل أنحاء العالم
•• ثم بعين وقحة نرفع إيدينا الى الله

ونطلب منه إن يرفع عنا هذا البلاء ؟؟

{ وَمَنْ أَظْلَمُ مِمَّنْ مَنَعَ مَسَاجِدَ اللَّهِ أَنْ
يُذْكَرَ فِيهَا اسْمُهُ وَسَعَى فِي خَرَابِهَا }

{ أَرَأَيْتَ الَّذِي يَنْهَى * عَبْدًا إِذَا صَلَّى } "
هذا يجري الان في بعض الاماكن والدول

سؤالي باختصار
لماذا تمنع الصلاة بالمساجد في حين المولات والاسواق مكتظة بالناس
هل الصلاة بالمساجد وسيلة لنشر المرض بينما التواصل الاجتماعي والزيارات والخروج الي الاسواق والخ لا ينقل المرض
رايت صورة عبر الفيس ان هناك مول تم افتتاحه بقطاع غزة وكان اشبه بسوق مكتظ بالناس


شو الاسباب برايك

احنا كلشي مانعينه حتى البقالات بطابور بيفوتو لها
ومن كم يوم سمحوو للمولات تفتح بس صارت زحممه
ونتشر اكثر المرض ورجعو منعو كلشي
بس الي يريد اغراض لبيته بيطلع لبقاله ويرجع
حتى التجمعات العائليه ممنوع وفرضو غرامات كبيره للي بيخالف وبتوصل لترحيل كمان
فليش دوخت الراس نبقى بالبيت لحد ماربنا يفرجها

....

بظن بغزه معندهم حظر لذالك بيروحو لمولات وبيصير ازدحامات مع هذا بستتغرب كيف هيك مو كورونا لساتها موجوده
مو خايفين ترجع الواحد صار هالفتره حريص اكثر من كل مره
لان مافي علاج لها وبعضهم بيموتو منها فليش الاستهتار لازم يكون في حرص ووعي اكثر
....
يعطيك العافيه صمت

اقتباس   المشاركة الأصلية كتبت بواسطة استثنائية احنا كلشي مانعينه حتى البقالات بطابور بيفوتو لها ومن كم يوم سمحوو للمولات تفتح بس صارت زحممه ونتشر اكثر المرض ورجعو منعو كلشي بس الي يريد اغراض لبيته بيطلع لبقاله ويرجع حتى التجمعات العائليه ممنوع وفرضو غرامات كبيره للي بيخالف وبتوصل لترحيل كمان فليش دوخت الراس نبقى بالبيت لحد ماربنا يفرجها .... بظن بغزه معندهم حظر لذالك بيروحو لمولات وبيصير ازدحامات مع هذا بستتغرب كيف هيك مو كورونا لساتها موجوده مو خايفين ترجع الواحد صار هالفتره حريص اكثر من كل مره لان مافي علاج لها وبعضهم بيموتو منها فليش الاستهتار لازم يكون في حرص ووعي اكثر .... يعطيك العافيه صمت

من خلال تواصلي مع العائلة
خبروني الشيئ الوحيد اللي مانعينه المساجد
وكل شي متاح
سؤالي كان ليش المنع مقتصر ع المساجد وبقية الامور مثل التسوق متاحة

ربنا المستعان
نورتي

نحنا عنا حجر جزئي حاليا
بعد السابعة مساءا ممنوع الخروج
الا للضرورة . وكمان منع زيارة المرضى ايام العيد
ومنع الختان الجماعي في المستشفيات العمومية
وحجر كلي لمدة 3ايام العيد
وبهيك حالة واجراءات اكيد مارح يفتحو المساجد
ف بظن اذا فتحت المساجد
الناس مارح تلتزم بمواعيد الحجر
والحمد لله الي بدو يصلي بجماعة
يجمع عائلتو ويصلي معهم
وعندو اجر الجماعة طبعا لانو نحنا حاليا في حالة خاصة وهي الخوف من المرض
بس المفروض انو الناس تاخد العبرة من غلق المساجد
انو يضلو ببيوتهم ومايطلعو الا للضرورة
للاسف اغلب الشعوب العربية ناقصة وعي


شكرا على السؤال

فعلا السوق مش طبيعي ولا حدا بالبيت كل الناس طالعة
والمولات مليانة و أظن المطاعم فتحت
غريبة كأنو الفيروس بس هينتشر عن طريق المسجد
من علامات الساعة زحمة السوق
وان شاء الله ربنا يهدي البال ويفتحوا المساجد
أهم من فتحة السوق

لماذا تمنع الصلاة بالمساجد في حين المولات والاسواق مكتظة بالناس

لأن اغلاق المساجد مش رح يأثر شيء على اقتصاد الدولة
في حين اغلاق الأسواق و المصانع رح يأثر على خزينة الدولة من ناحية ضرائب و اشياء تانية

في البداية انا كنت مع اغلاق المساجد او مش ضد
حماية للبشر لأن صلاة الجماعة بالمسجد اساسها رص الصفوف
و اعداد المصليين كبير فيعني لناخد الحيطة و الحذر ماشي
لكن بعد لشفت كل مناحي الحياة شغالة الا المساجد !
صارت الشغلة فيها حيرة ..
و اليوم لسمعت قرار اشتية بمنع التجول من مساء الجمعة لمساء الإتنين
و التلاتا رح ترجع الحياة لطبيعتها متل قبل الفيروس و انتشاره
تبين لي ان الحكومة قاصدة ( تمنع شعائر الله )

منع صلاة الجماعة
قطع الرحم
الإحتفال بالعيد
و قطع الأرزاق

يعني مستحيل يكون في فيروس يوم العيد الإتنين
و يوم التلاتا بعد العيد بيوم ينتهي الفيروس
و ترجع الحياة لطبيعتها


و على فكرة اغلاق المساجد رح يبين للدول ان فلسطين موبوئة
و يتم الدعم و التبرعات مستمرة

ربنا يفرجها ، تحياتي

اقتباس   المشاركة الأصلية كتبت بواسطة صمت المشاعر من خلال تواصلي مع العائلة خبروني الشيئ الوحيد اللي مانعينه المساجد وكل شي متاح سؤالي كان ليش المنع مقتصر ع المساجد وبقية الامور مثل التسوق متاحة ربنا المستعان نورتي

والله نفس السؤال بيجي ببالي
انو الدول الي عندهم حظر كامل مش بيدهم هالشيء
لكن الدوله الي فكو الحظر عنهم ليش ليمنعون المصلين من الصلاه بالمسجد
احس في شيء مش زابط بالشغله
بس الله يفرجها وتنتهي هالكورونا ونرتاح

فعلاا غريبة استمرارية اغلاق المساجد وقرب يخلص رمضان ومش مفكرين يفتحوهم حتى
وكل اشي بالبلد ماشي طبيعي والزحمة بكل مكان وما فش ضل سبب مقنع لاستمرار اغلاق المساجد
خاصة انه المرض الحمدلله مش منتشر عنا
والجوامع مش هي اللي هنتشره بوسط كل هالازدحامات التانية ..

السلام عليكم

كم اشتقت لهكذا نقاشات
أولا من باب الصحة والسلامة من الواجب علينا التباعد
في المساجد أو في البيت أو العمل ...
أنا ضد فكرة فتح المساجد حاليا وضد فكرة فتح باقي النشاطات
رياضية اجتماعية اقتصادية كانت
فصحة المواطن قبل كل شيء

الاكل والشرب والملبس احتياج ضروري لكل بيت
لو اغلق كل شيء لكان الناس ماتت جوع
ثانيا الانسان متنقل في السوق يعني في منطقة مفتوحة مش مغلقة
او محصور في بيت
لو الناس تجنبت اللمس وبعدت عن بعض ما راح يصير اشي
لكن القليل القلة اللي بتتبع التعليمات
المسجد مكان محصور المصلين جنب بعض والكل بتنفس في المكان المغلق
حتى مكان السجود خلال خمس صلوات بتكرر على خمس اشخاص
عشان هيك تكمن خطورته
لكن اللي بمز كل الناس صارت متدينة ليش المساجد يعني تغلق .وهي ما بتوصل المسجد غير بصلاة جمعة
بنبقى عرب واذا فتحوا المساجد ان شاء الله راح تقوم فئة من نفس اللي رافضه اغلاق المساجد .وتصير تلقح عالموضوع

احيوا الصلوات في البيوت و جماعة مع الاهل
واينما تولوا فثم وجه الله ونفس الاجر


سلمت صمت