[ مموججز الاخخباار ]

✅
■الجمعة الجاية رمضان والله أعلم.
■الدنيا بدت تمطر من الليلة، وهيها لهلحين قاعدة بترشرش شوي شوي.
■الليلة اللي فاتت شرد زلمة معه كوورنا اسمه سليمان ع جبال الخليل ،الجوامع من مبارح صارت تنادي عليه الهاشتقات دبت الدنيا #ارجع_يا_سليمان ولسة الدنيا مقلوبة قلابة عليه.
■كل وحدة قامت بالسلامة وولدت الليلة اللي فاتت في لإبنها هدية 200شيكل من شركة التحرير حتوصلها لعندها ؛وبالنسبة للي تأخرت بالطلق شدي حيلك يختي وبرضه نفس الشغلة حتصير الليلة الجاية (العرض لليلة الجمعة والسبت).🙂
■بأمريكا مبارح بس تصاوبوا بالكورونا 40
ألف واحد والمتخلف ترامب بيقلك بيفكر يفتح البلاد والأمور تحت السيطرة والعدد قلط عنده النص مليون نفر.
■مبارح شرفونا مجموعة كبيرة ع حجر رفح من الناس اللي كانوا بمصر ومن ضمنهم صاحبنا كرم.
■البلد كانت مبارح فايعة فوعة السواد والضغط كله للنسوان ع محلات المكياجات والاكسووات وأغراض الحلويات والله يرزق الكل.
■للأسف طلع قرار من الأوقاف انهم مش حيقدرا يفتحوا المسجد الأقصى للصلاة عشان الوباء ،الله لا يطولها من شدة.
■بيقلك النائب العام بده يفتح تحقيق عشان فتحوا هايبر النصيرات بوقت مش مناسب وظروف صحية كمان مش مناسبة.
■الرئيس أبو مازن بيقول للأسرى: مش حنوقع ع أي اتفاق سلام بدون ما نبيض السجون منكم.
■امتحانات توجيهي حتضل بموعدها (حملة ذكرهم وخليهم يشدوا حيلهم)
وبالنسبة لمواد الدين والأحياء والجغرافيا نموذجين أما باقي المواد حتكون بس نموذج واحد.
■بالقدس العدد قاعد بيزيد بمصابي كورونا وبغزة الحمد لله فش ولا حالة جديدة ،ويارب يحمي العاصمة.
■سألت صاحبنا حميد قلي سعر الجاج اليوم بتسعة شيكل ع أرضه يعني حيكون تسعة ونص وتسعة بالسوق.
■الكلمنتينا (التنوفا)زاكية وزي العسل بس تنقهاش طرية نقي الحبة الجامدة بإيدك.
■عدد اللي وصلوا البلد من معبر رفح بالسلامة تقريبا 1500واحد وكلهم انحجروا.
■اليوم ذكرى يوم الأسي.ر الفلسطيني ،ان شاء الله ربنا يفرح أهاليهم وبيكونوغ قريبا بين عائلاتهم.
■زي اليوم قبل 16سنة اليهود قصفوا سيارة الدكتور عبد العزيز الرنتيسي واغتالوه.
■كيلو اللمون بخمسة شيكل؛وكيلو صدر الحبش ب16 شيكل.
■اللي ماتوا "بإسرائيل" من كورونا صاروا 142واحد.

#صباح_الخير لكل وحدة ربنا نتعها بالسلامة وولدت وجابت النا نفر جديد يتحاصر معنا بالبلد؛وان شاء الله حتصلها هدية (مصاري)لكسوة ابنها اليوم عالمستشفى.
-صباح الخير لسليمان مخامرة الشب اللي شرد عالجبال وهو معاه كوورنا؛ وبنقلك ربنا يهديك يخوي سلم حالك بلاش يطخوك القصة مش لعبة.
-صباح الخير لكل أسي.ر عايش عالأمل بسجون اليهود ..ربنا يفرج كربك.
-صباح الخير لكل أم أس.ير نفسها تحضن ابنها والحديد والكورونا واليهود مانعينها .
-صباح الخير لكل أب قعد يحوش بحق أكلة الجمعة طول الجمعة عشان يفرح أولاده.
-صباح الخير للحجة أم نادر اللي قامت من الصبح تعمل لأولادها وبناتها المتجوزين كل واحد صنية مفتول بحبش.
-صباح الخير لأهل القدس اللي الوجع عبى قلوبهم ولأول مرة مش حيصلوا رمضان داخل باحاتها.
-صباح الخير للناس اللي صحيت مصحصحة وفايقة ورايقة وفش عندها هم ولا غم والنت سرعته زي الطيارة ومق القهوة بيفطاش جنبه وفش عنده مسؤولية ولا حد بيقلك هات ولا جيب وعلبة دخانه عمرانة من أخوه الكبير ،وحاجر حاله من أول ما تخرج ،اعمل بنصيحة عماد وضلك عزابي يخوي.

#صباح_الورد #جمعة_مباركة
صبحناكم صبحونا 🙂🌹

باايي

و لسا اليطاوي هربان
و عنده شروط للرجعة
الله يفرجها بس

يسلمو ع النشرة الممتعة
تحياتي

ولا احلى من هيك نشرة

مشكورة عالايجاز الصحفي
سلمتي ويسعد جمعتك واوقاتك

هالمرة النشرة فش فيهاا اخبار بتسد النفس هيك ولاا هيك ..
وهدا اللي شارد من الحجر مش عارف كيف بيفكر بالموضوع
يعطيك العافية لادراجك ..

■زي اليوم قبل 16سنة اليهود قصفوا سيارة الدكتور عبد العزيز الرنتيسي واغتالوه

الله يرحمه كنت أحبه كتير
وأفتخر انه عندنا قائد زيّه

نشرتك بتجنن متلك ننوشتي
يسلموو يا عسل

النائب العام بده يفتح تحقيق عشان فتحوا هايبر النصيرات بوقت مش مناسب وظروف صحية كمان مش مناسبة.


الهم واسطه قوية يا نائب يا عام

لهيك انفتح

شكرا علي الموجز الاخباري

مشكورة للمتابعة
كل التحية لك

كل الشكر و التقدير