اخاف اصارح بالغلا ذاك الانسان

اخاف اصارح بالغلا ذاك الانسان
وينقلب جو المصارح مذمه
وياشينها لا صرت مغرم وزعلان
محد يراضي قلبك ومحد يمه
وان رحت محد قال لك وين يافلان
روحتك مع جيتك ماهي مهمه
ويا شينها لا صرت عايش بحرمان
مثل اليتيم اللي فقد شوفه امه
ما خوذ حقه وانظلم شوف الاعيان
واللي ظلموه عيال لحمه ودمه
وياشين صاحب دربك ان صار ثعبان
لا هو تركك ولا نفث فيك سمه
ويا شينها لاصرت ناجح وندمان
وصلت قمه وغيرك باعلا قمه
مثل الامام العالم بفقه الاديان
يومه نجح والكل صاروا اامه
ويا شينها لا صرت تايه وحيران
وسط الطريق وباقي فيك همه
ودك تروح واخر الدرب مابان
تخاف تمشي ثم تغشاك غمه
ويا شينها لاصرت مبلي ومنهان
والعلم كله من اكاذيب نمه
وما فيه ضدك لا دلايل وبرهان