الله يجبر مكسورين الخاطر ويداوي كسرهم

Tip for Soul

اصعب واسوا شي ممكن نعمله بالدنيا .. هو انه نطفي حدا !! نطفي ضحكته .. نطفي لمعة عينيه .. نطفي شعوره بالفرحة بأي شي بحياته ..
مثلا ؟؟!! نجرح انسان.. نكسر خاطره... نكسفه .. نعايره... نفقس فرحته .. نحرق دمه .. نقهره... نكسره... او نقرر نترك ايديه بنص الطريق.. بتعرفوا هالاحاسيس لوين ممكن توصل ؟؟ اننا نجلطه .. اننا نقتله !!! ..
سمعتوا عن "متلازمة القلب المكسور " ؟
Broken Heart Syndrom "
شو يعني هالحكي؟ يعني اوعكم تستهينوا ابدا بكلمة تطلع من لسانكم سواء جد او مزح .. لان المزح هذا ممكن فعليا يعمل مضاعفات خطيرة تضعف عضلة قلبه ويموت !!..
ممكن اي كلمة جارحة انتوا بتستهينوا فيها .. تقتل !! الكلمة زي الرصاصة .. ممكن اي كلمة انتوا شايفينها عادي تعمل كارثة .. تؤدي لمصيبة وانتوا مش مدركين شو بتعملوا ..
فكروا بكلامكم قبل ما تقولوه .. وتصرفاتكم قبل ما تعملوها ..
اوعكم تستهينوا بكسر القلوب وتقولوا ما حدا بيموت من الزعل !! مبلا في ناس بتموت من الزعل .. بتموت من القهر .. بتموت من قلة او عدم التقدير !!..
انتبهوا على تصرفاتكم .. وخلينا كلنا ندعي سوا .. الله يجبر مكسورين الخاطر ويداوي كسرهم ..

لاتقسوا على حدا لانه ربنا رحيم ما بيحب القسوة ...

صباحكم بجمال ارواحكم وقلوبكم