لا تصدق!!

لا تصدق قوتها وهي عم تحكي لرفيقتها انها قضت يومها عادي بدونك ، هي ممثلة 🖤!
لا تصدق ضحكتها المرسومة على وجهها وحدك اللي بتعرف خفاية قلبها ، هي ممثلة🖤!
لا تصدق أنو الوضع صار عندها عادي وهي متقبلتوا ، مو صح لياليها عم تحترق بغيابك ، هي ممثلة🖤!
لا تصدق أنها لساتها مجنونة و ضحكتها دائماً على وجهها ، الوجع خلاها عاقلة و باهتة ، هي ممثلة🖤!
لا تصدق أنو نصايح الدني آثرت فيها ؛ هي عم تمشي ورا قلبها اللي حبك و تدعي الثبات ؛ هي ممثلة 🖤!
لا تصدق انها بخير او انها قدرانة تكون بخير لساعتين متواصلين ، هي طول وقتها شاردة وعم تكابر ، هي ممثلة 🖤!
لا تصدق البعد هيين ؛ هي لحتى تتخطى تفصيل من تفاصيلك محتاجة دعمك ، هي ممثلة🖤!
كذاب اللي بقول البعد بنسي ، البعد بعلمك تحب بقلبك و تكتم ؛ بعلمك تصبر و تخلق آمل ، بعلمك تحن و تشتاق ، بعلمك تصدق مشاعرك و تصادقها ، بعلمك التمثيل للعلن و تحب بالمخفي و تدعي ، بعلمك تهين البعد بأملك ، لا تياس🖤