مصطلحات فلسطينية !

مصطلحات فلسطينية

١- الحكي (بيناتنا).
للتشويق، وتُستخدم كمفتاح للدس والنميمة.

٢- (مالك علي يمين)
بداية لكذبة من العيار الثقيل لا تنزل بميزان أو قبان.

٣- (وحياتك عالغالي)
دعوة مبطنة لقصف عمر المتلقي.

٤- (بدك الحق ولا ابن عمه)
اعتراضية تستخدم لتمرير كذبة بالحجم العائلي وبحرفية عالية.

٥- (إلك ولا للديب)
لتحريض النخوة وتهيئة المستمع نفسياً لدفع خوة أو دين أو نصبة.

٦- (يا مرحوم البي)
يجوز استخدامها كموسيقا تصويرية ولزيادة جرعة الإثارة ولاستدرار العواطف..

٧- (مالك بالطويلة)
فاصل منشط محشور ضمن حكاية أطول من سيرة أبي زيد الهلالي وتجهيز المتلقي لكذبة ما.

٨- (محسوبك)
للمنفخة والاستعراض.

٩- (انسى الموضوع)
دعوة سريعة للاستفسار عن الموضوع والالحاح بذلك.

١٠- (الله يستر عليها)
لازمة في نهاية كل وصلة لنشر عرض بنات الحارة وصديقاتهن وقريباتهن

١١- ( سيدي ما علينا)
شارة مُعتمدة في ختام مسلسل نميمة من ثلاثين حلقة وليس بالضرورة ان يكون في رمضان

١٢- (مع احترامي إلك).
و غالباً تعني (يا ...) بطريقة مهذبة

١٣- (آخ لو كنت معنا ).
برغي سن بعزقة فوق (الكم) ..

١٤- (أنت لسه ما بتعرفني)
تستعمل للمداراة على البهدلة وسواد الوجه..

١٥- (ما كذبتلك خبر)
تأكيد على كذبة متوسطة المدى..

١٦- (اعرِف مع مين عم تحكي)
تهديد منتهي الصلاحية

١٧- وهيك شغلات
تستخدم في نهاية كل منشور للتشبيه والتنبيه والتقفيل

حلوو الموضوع
ومصطلحاتنا حلوة وما بفهمهاا غيرنا
يسعدكك لادراجك الحلو ..

ميرسي على الفائدة
يسلمو وتر

هههههه
ححلوهه لههجتناا معع انهاا بتضحك ممراتت
يسسلموو ععسسولةة
وردهه

هههه احنا عجايب
يعطيك العافيه

كل الشكر و التقدير

الله يستر عليها)
لازمة في نهاية كل وصلة لنشر عرض بنات الحارة وصديقاتهن وقريباتهن

هاي دايما لازم يحكوها
بتحسها متل المسبة كمان

حبيت المصطلحات

يسلموو وتر

بس لهجتكم قريبة للهجة الشامية نفس شوام ومفهومة
لهجة حلبية غريبة وتضحك وفيها شغلات غريبة وغير مفهومة لباقي العالم
تسلم الايادي

نورتوا