عيادة المنتدى - قلوب حائره

يسعد صباحكوا / مساكوا



هذا الموضوع رح يكون مخصص للمشاكل اللي بتواجه اي واحد فيكوا،
اي واحد عنده مشكله بغض النظر شو طبيعتها،
إن كانت بتخص حياته اليوميه الشخصيه، اهله، تعليمه، صحابه، علاقاته العاطفيه، بتخص المنتدى او مشاكل صحيه إلخ ..
بقدر يطرحها هون لحتى اساعده فيها والاقيلو حل، لإنه عندي قناعه بالحياة بإنه "مفش مشكله مالهاش حل".
إلا بحالات نادره اللي تصدف وتصير مشكله معقده مع الإنسان بيطوّل ليطلع منها، بس إلا ما تنحل !


*في حال مش حابب اي حدا يعرف عن مشكلتك، اكتبها برساله خاصه، وانا رح احترم خصوصياتك واكتبها هون بإسم مجهول وساعدك فيها،
*وإذا مش حابب تحكي عن مشكلتك حتى قدامي، بتقدر تطرحها هون بس بإسم مجهول او تطرحها كموضوع بدون اسماء وهميه، هيك لا انا ولا حدا غيري رح نعرف انك عم تحكي عن حالك ..
وع العموم ان شاء الله ما حدا بتعرض للمشاكل ..


**ملاحظه مهمه : ممنوع يتحول الموضوع لدردشه ولا لطق الحنك وتاخذوه ع محمل الجد ..

/

حابه اشكر قلب فلسطين ع اهتمامها لحتى اطرح هالموضوع،
صرلها فتره تقولي اطرحه وانا عم بنسى ومش عم بصرلي مجال بنفس الوقت لإني مش كل الوقت بتواجد،
بحب قلها بعتذر ع التأخير وشكرا ع اهتمامك مره ثانيه وع ثقتك الكبيري لأطرح هيك موضوع بعتبرو "مش هوين" بالنسبه إلي بس رح اكون قدو ان شاء الله ..