من تحتّ خيمتنآْ

شهر و سنة عم تمرق الأيام
و الليل باكي فوق خيمتنا
وأطفال تحت البرد عم بتنام
خيمة و ريح الظلم عصفتنا .. خييّ
و جدي مريض بتوكلو الأسقام
أختي و أنا بنلوك دمعتنا
أمي حزينة دموعها أرقام
أرقام تحكي بعد نكبتنا
تحكي عن المعراج يا إسلام.. خييّ
عن مهد عيسى و عن كنيستنا
و تحكي عا جور خوالنا و عمام
وتسكب ملح عا جرح طعنتنا
لوحات .. تعجز ريشة الرسام
بعد و دما و دموع عيشتنا
نحنا يا أمي بذل ما بنام
ورد الردى و الفدى عادتنا
لازم نفجر حمم من الخيام
و نسمع التاريخ صرختنا .. يا أمي
واحنا ياامي للوطن إعلام
من دمنا بنكتب قضيتنا
و ياامي أنا دمعة من الأيتام
و نوح الحمامة فوق تينتا
وشبابة الراعي ورى الأغنام
وعنة عتابا فراق ديرتنا .. آه يا امي
و تنهيدة الحصاد تالي العام
و موال من رجاد حقلتنا
وفية زيتونة معبعبة الكمام
وريحة خبز طابون حارتنا .. آه يا امي
و يا امي أنا صرخة "دلال" تصارع الإجرام
عا أرض حيفا و حد طيرتنا
و زئرة فدائي فجر الألغام "بسافوي" حتى الناس سمعتنا
قومو اسئلوا العرقوب و الخيام
"تبنين" تتغنى برجولتنا
فينا الكرامة تزايدت اكرام
الأغوار عم تبكي عا سيرتنا
اعتز المجد فينا و عملنا وسام
تا يعلقوا في صدر امتنا
ياامي كفانا نعيش بالأوهام
كذب و دجل ووعود حاجتنا
حاجتنا نشكي الظلم للظلام
ونبوس الإيد اللي ذبحتنا
ياإمي كفانا نعيش بالأوهام
ما عاد بدها شرح حالتنا
بدها برودة رصاصها الأقلام
و القنبلة توقع شكايتنا
بدها رجولة و تضحية و إقدام
بدها عروبة تصون دولتنا
بدها عروبة تحطم الأصنام
و تشيل الخاين من عروبتنا
و القاهرة ترجع لأرض الشام
و تقول يا احباب الوفا
عودو بعز و شرف يا طيب عودتنا

كلمات قوية ع الوجع

يسعدها قمرنا

يا ريتنا نرجع للبلاد

كلمات مؤلمة علا


شكرا

كلمات موجعه وقويه فعلا

ذائقه انيقةة غاليتي

كل الشكر لادراجكك

ان شاء الله بتتحرر فلسطين وبنرجع لبلادنا ..
يعطيكِ العافيةة لانتقائك الحلو ..

كلمات فاقت حد الروعة والجرأة والقوة
أجدعتِ جلب السطور زهر الكرز
كوني بخير

ككلمآات ححلوينن ☺ ')
معع إنـو بتوججعع القلب !
يسسلمو زههـر ع إخختيتآاركك الممميز ')
وردهه

بدها رجولة و تضحية و إقدام
بدها عروبة تصون دولتنا
بدها عروبة تحطم الأصنام
و تشيل الخاين من عروبتنا
و القاهرة ترجع لأرض الشام
و تقول يا احباب الوفا
عودو بعز و شرف يا طيب عودتنا



كلمات اجمل من جميلة
راقتني كثيراً
وراقني نبض حروفك
شكراً لإنتقائك

بدها ررجولة وبدها عروبة
هالحآجتين ما عادو موجوين عندنا للأسف
ان شالله تعود هالبلاد و يتوحدو العرب

حرووف جميلة و رآقيــه
أحسنت انتقآئك الجميل
يعطيكي الف عافيةة