اذا سئلوك عن السعادة ف نسخ اسم هل كان حباً فهيا أكبر سعادة ♡

امممممم
جاي ع بالي احكي عن هل كان حباً. اجيت في بالي الساعه اربعه الفجر وحبيت اكتب عنك.
الكلام مش مرتب وطالع من القلب وبتمنى يوصل قلبك.

هل كان حبا انسان راقي وبسيط جدا في تعامله ومع الناس.
هل كان حباً مدير ناجح وقيادي وتعامله ارقى انواع الرقي، عنده حنكه واسلوب بتعامل ،بعرف يحل مشاكل ومابقصر من اي احد بحتاجه وبلجئله.
صبور جدا في بعض المواقف. مابحب الفشل. ببدي رئيه بكل عقلانيه وهدوء.
بحب يخطط للمستقبل .مابحب الاشي العشوائي.مابحب يمشي او يتقدم خطوه الا يكون حاسبهاا منيح.

شخصيته حلوة كتير.وبتعجبني وبحب اتعلم منه.حتى لو ماعملت فيها بس كتيييير تعملت منه وغيرت حياتي وصارت للاحسن من الدروس الي اخدتها منه.

هل كان حباً.من الاشخاص الي سلاحها العقل مش اللسان.
قوته في الصمت مش بكثرة الحكي والكلام.
دايما كلامه الي برفعه وبجذب الناس اله مش علو صوته.
هل كان حباً متل المطر الي بنبت الورد مش متل الرعد صوت وبس.
هل كان حباً. بحب يسعد كل الناس.. ومابيأذي احد.متواضع. واثق من نفسه .ماعنده تكبر او غرور.
بحب يزرع داخل كل انسان بيشوفه او بعاشره اشي حلو وجميل..
هل كان حباً .اذا كانت خطواتك وقدمك تترك أثر في الارض. فلسانك وطيب اصلك يترك أثر في القلب.

هل كان حبا.ً ماعمره شاف حاله على احد. ولاظلم احد.ولاجرح احد.ولاغتاب او جاب سيرة فلان وفلان.نفسه طيبه وصافيه.


انا بعرفك من خمس سنين ونص
هل كان حبا.(يحق لك مالا يحق لغيرك)

صح واكيد كل انسان عنده اغلاط وعيوب.بس انت حتى عيوبك واغلاطك بنظري اجمل شي.

هل كان حبا. كتير زوء بياخد وبيعطي.اكثر شخص بحكي معاه وبحكيله عن كل اشي.لانه محل ثقه. والكلمة الي بتوصل عنده مابتطلع لغيره.
هل كان حبا شخص كتير اتيكيت. ومحترم.عنده ثقه زايدة كتير بحاله.
انسان بدوي متداين ومتمسك بدينه وعاداته وتقاليده .
بيعرف يكون سيد المواقف. انسان ذكي جدا. بعامل كل شخص حسب عقليته وفهمه وطباعه عنده خبره ب انو كيف يتعامل مع كل شخص.
بيعطي كل واحد الحجم المناسب اله. مش اكتر . يعني بتحكي معاه كلمة برد بكلمة .ولو حكا ياويلي مابسكت. هههه .
يعني ماببادر هو بالحكي.
هل كااااان حباً. عنده اكتفاء ذاتي .وعمره ماحتاج اي مخلوق . مكتفي بنفسه وذاته بحبها كتير .ومابثق بحد بسهوله واصلا نادر مايثف بحد. رغم انو الجميع بثقو فيه.
صعب جدا يعجبه اشي. رغم انو كتيييييير محبوب من البنات قبل الشباب. . شاعر مميز وانيق.

بحب يضحك رغم انو طابع الجد عليه امبين اكتر.

عنده عزة نفس ماعمري شفت متلها ولا رح اشوف. عزه نفسه احلى اشي عنده.

حتى في وجعك وألمك كبرياء .

والله مش عارفه طولت عليك وهيك انت بتمل بس والله لسه الي بقلبي اكتر واكتر.



الطيبون أمثالك كالجواهر المصونة
لا نراهم دائما ولكن نبحث عنهم كل صباح ومساء لندعوا لهم بكل خير
.
هنيئاً لاأهلك واصحابك واحبابك بك.

نصيحه ارجو تقبلها.
إعلم أن "التسامح" هو ٲكبر مراتب القوة،

♡*
ملحوظة أخيرة / الحزن لا يليق بوجنتيك أبدا ، خلقت ملامحك بريئة لتبتسم *_*

@هل كان حباً

معلش اسمحلي حبيت احط رئي وكلامي الك في قسمك الي الشرف لو تقبلته.
مقصرة معااااك كتير كتير . سامحني.

الحكي كله جميل بحقه واكيد بما انك بتعرفيه كل هالفترة
هيكون حكي صادق وطالع من القلب
واكيد هينبسط في هيك كلاام جميل بحقه
يعطيك العافية ..

اصدق الكلام الي بيطلع من القلب
ورأيك فيه وكلامك عنه رائع حقا
وبحكم رؤيتي لاسلوبه وتعامله
احكم عنه انه شخص رائع وتفكيره واعي وراقي
واله والك كل الاحترام

كلام جميل وصادق بحق هل كان حبا
بما انك بتعرفي من فترة
هل كان حبا شخصيتو حلوة ومميزة من خلال كلامك عنو
واكيد رح ينبسط من كلامك الحلو بحقه
عوافي

يا ريتني هل كان حبا..هه
بصراحه ما في اصدق من الكلام ال طالع من القلب
لانه بيوصل للقلب ع طول
ومديرنا بيستحق كل هالاكلام
واغلب الي حكيتيه
كلنا لامسينه فيه
بس الفرق بينا وبينك
انه احنا بنعرفه هل كان حبا(المدير)
اما انتِ بتعرفيه هل كان حبا الانسان
كلام بجنن عنه
وصفات الكل بتمنى تكون موجوده فيه
هيك وبعد كلامك انا بعتبره انسان كامل
وهنيئا لكِ
ولنا به
جرأه وصراحه وصدق جميل جدامنكِ سكون
دمتِ بحب حبيبتي

كلام جميل ورائع جدا
ودوما الكلام العفوي الغير منمق اسرع الكلام وصولا إلي القلب
ربنا تديم هالمعزة والمودة
هل كان حبا بستاهل اكثر من هيك
يعطيك العافيه

@سكون وانين

يعني صراحة مش عارف شو احكي بعد كلامك هذا
وكل الكلام هيكون مقصر وما له أي معنى
امام هذا الكم الهائل من الكلام بحقي
صراحة كلي خجل انا ومش قادر ارد او اكتب
ولا عارف اصلاً شو اكتب
لأن ما في شئ بينكتب يضاهي او يعبر عن كلامك في حقي
ومدى خجلي واعجابي بكلامك
كل الي بقدر اقوله انه اتمنى اظل هيك بوجهة نظرك
وما تتغير وجهة نظرك تجاهي
وانا الي شرف معرفتك كمان
وانت انسانة طيبة كثير ومهذبة وما في منك
ولو ظليت اكتب كمان ما رح اقدر اوفيكِ حقك
صدقاً مرتبك وماني عارف شو ارد او شو اقول
لأنك الجمتيني فعلاً وما خليتي لي مجال للرد
فقط بقرأ في الكلام وما عندي ردود عليه
الله يحفظك ويسعدك ويوفقك في حياتك
وان شاء الله اكون قد الكلام فعلاً الي حكيتيه بحقي
وتأكدي انه ما في كلام بيعبر عن مدى اعجابي وفرحتي بكلامك
والاكبر من كل هذا خجلي كثير حاسس بالخجل
الله يسعدك يا رب وشكراً من الأعماق لك على هذه الرسالة الطيبة منك
وانت انسانة اصيلة الله ومعدنك طيب
ربنا يعطيكِ على قد طيبتك واصالتك
لك من القلب تحية ومن الروح وسام

الصياد
جرح
فخامة انثى
نقاء
صمت المشاعر


شكراً كثير الكم ولكلامكم الطيب في حقي
وانا الي شرف معرفتكم والتعرف عليكم
وانت مثل اصدقائي واخوتي
الله يسعدكم يا رب
بشكركم من كل قلبي

مشاعر جياشه و نابعه من القلب

بس بقراء كلامك ، اكيد راح ينبسط

وان شاء الله بعد هيك هو مارح يصير حزين

الله يبعتلكم ايام حلوة و سنين احى