كل وحده تشوف حالها

قسم الصبايا في جامعتنا إلى أنواع منها :

*القطاعة (النيردة) : ممكن تبكي وتقلبها مناحة وتسمع ل"مصطفى كامل" لمجرد انها جابت 18 من 20 بالفيرست . . بتدرس لساعات طويلة وكل كتبها مخططة بالالوان والملاحظات . . وبتجي قبل المحاضرة ب ساعتين لحتى تحجز بالمقاعد الامامية ، كلامها قليل ، لكن اسئلتها كثير بالقاعة ، الوقت المفضل عندها لطرح الأسئلة هو آخر 5 دقائق بالمحاضرة . . ؛ البريك عندها للمراجعه والقراءة والتأمل في المادة . . ودفتر محاضراتها بالنسبة الها "خط إحمر" . . وغالبآ بتخلص الجامعة ب 3.5 سنوات

* الكادحة : غالبآ متزوجة وبرقبتها 3 اطفال بما فيهم زوجها و بتكون موظفة ، وشايلة البيت فوق راسها وبرضو بتدرس وبتجيب علامات عالية . . (كيف ما بتعرف )

* الفاشينيستا : ملكة الايلاينر ، والإطلالات العالمية ، كل شيء على " الموضة " من لون المناكير لغاية لفة الشال . . وبين كل خطوة والثانية لازم توخذ سيلفي .

* منال العالم : أمبراطورة الطبخ في السكنات ، وبتعرف تطبخ كل شيء ودايمآ بتنقذ صاحباتها وقت المجاعة . . ومستقبلها باهر .

* السوسة : كل المشاكل من تحت راسها ، بتحب تجمعات البنات ونقل الكلام ، وهوايتها تخريب إي علاقة ناجحة في طريقها . . وكل موبايلها "سكرين شوت " للمحادثات .

* محامية دفاع الشلة : لسانها سليط دائمآ ، وما حدا بيطلع معها راس ، لا أمن جامعي ولا دكتور ولا حتى كونترولية الباصات . . وتعتبر المتحدثة الرسمية عن صاحباتها الخجولات .

كائن الباندا : وهذة تأتي للجامعه فقط للأكل ، واماكن إنتشارها في الشاورمجي / التجمعات / كافتيريا الجامعه ؛ محبة للمشاركات واللمات (طالما هنالك اكل) ، وشنطتها دائمآ مليئة بأنواع الشوكولاته والبسكويت . ..الخ

* المحايدة : دائمآ نادمة على اليوم اللي دخلت فيه الجامعه ، وبدها تخلص بسرعه وبأي طريقة وما فيها على لسانها إلا " الله يلعن أبوها من جامعه " . . وبتمر مرور الكرام

* إنجلينا جولي التخصص : لمساتها اللطيفة واضحة مع الجميع ودائمآ ملخصاتها للمواد معبية المكتبات . . و إي نشاط او حفلة عاملينها زملياتها بتشاركهم الفرحة و بتدعمهم . . بالذات حفلات الخريجين . . واعمل خير وارمي بالنافورة.
كل وحده تشوف حالها ✋😂

محامي الدفااع / كائن الباندا / المحايدة

اناا بجمع بين هدول التلااتة هههههه
اماا الباقي مليش فيهم
يسسلموو قصي

اقتباس   المشاركة الأصلية كتبت بواسطة نور الروح محامي الدفااع / كائن الباندا / المحايدة اناا بجمع بين هدول التلااتة هههههه اماا الباقي مليش فيهم يسسلموو قصي

اهلين بكائن الباندا

انرتي

سرني مرورك

ههههه زماان عن مواضيعك النهفه

انتقاء حلو (قصي) لو مش غلطان

احترامي

كائن الباندا //

الفاشينيستا هههه بس من ناحية الموضة والسلفي بكل مكان لازم يكون في ذكرى النا

اما العلم والباقي لا مش الي هههه

مشكور قصي ’

اقتباس   المشاركة الأصلية كتبت بواسطة كآن حلمآ ههههه زماان عن مواضيعك النهفه انتقاء حلو (قصي) لو مش غلطان احترامي

انا برضو الي زمان عني

ولا انت الي غايب وما بتسأل


يسلمو حبيبي

واحترامي وتقديري لالك

اقتباس   المشاركة الأصلية كتبت بواسطة besan كائن الباندا // الفاشينيستا هههه بس من ناحية الموضة والسلفي بكل مكان لازم يكون في ذكرى النا اما العلم والباقي لا مش الي هههه مشكور قصي ’

وليش انا متخيلك برغم اللطف الي عندك والرقة زعيمة العصابة

متصورك الك شلة وانتي مسؤلة عنهم وبتوزعي المهام عليهم ههههه


يسعدك بيسان

اسعدني مرورك

ولا وحده فيهم هههه
يسلمو قصي ع الموضوع الحلو
عوافي

اقتباس   المشاركة الأصلية كتبت بواسطة أحاسيس وليش انا متخيلك برغم اللطف الي عندك والرقة زعيمة العصابة متصورك الك شلة وانتي مسؤلة عنهم وبتوزعي المهام عليهم ههههه يسعدك بيسان اسعدني مرورك

ههههههه تخيلك غلط خالص
لا لا مش هيك انا والله كتير عاقلة
لو صحبيتي هان كان حكتلك م في اعقل من بيسان ههههه

اقتباس   المشاركة الأصلية كتبت بواسطة lonely heart ولا وحده فيهم هههه يسلمو قصي ع الموضوع الحلو عوافي

ههههه
انتي حالة خاصة على هيك
معقول ما قدرنا نجيبك
لمرة تانية بنجيبك وبنوصفك


يسعدك رانيا

اسعدني مرورك