30 بند خدهم بعين الاعتبار وحطهم حلق بأذنك لتعيش وتتعايش مع الناس ..!

١- صاحب الكل وحيد ..

٢- يلي فهمان الحب بكل تفاصيلو، مو مرتبط..

٣- كلام الناس كلو غلط، طالما مالو طالع من امك أو أبوك..

٤- أنجح العلاقات أخفاها. .

٥- شهادتك العالية مو دليل إنك عبقري، ولا شهادتك العادية دليل إنك غبي..

٦- الأمل بهالوقت عامل متل 'التليفون الارضي' ، ما الو أي لزوم بس لازم يكون موجود..

٧- إذا ما عرفت تكون ''بنادول''، حاول ما تكون صداع. .

٨- إنت مو محور الكون مهما كنت مشهور..

٩- مو كل إللي بيضحك بـ وشك بحبك، ولا كل إللي بمرق من ناحك من دون ما يسلم عليك بيكرهك..

١٠- مو شرط الناس تصفقلك مشان تكمل الشي إللي عم تعملو .. لو بتحبو كمِّل فيه حتى لو ما حدا عطاك إهتمام أصلاً. .

١١- عيش حياتك أنت ، ما تقلد أي حدا مهما كانت درجة نجاحو..

١٢- ما تفكر تعيش متل بطل فيلم، لأنو هو قصة مكتوبة مصممة إنها تعجب كل الناس. .

١٣- أول ما تبدأ ب المشي، طريقك رح يبين، المهم تبدأ. .

١٤- على قدر العشم يأتي الخازوق. .

١٦- بحياتك لا تعمل شرخ ب روحك ورا حدا، مين ما كان. .

١٧- كل شي رح يمرق، بس و هو عم يمرق رح يترك شوية شغلات ما بتمرق. .

١٨- حاول تحافظ على حلاوة البدايات أطول فترة ممكنة..

١٩- السمك الميت بيمشي مع التيار، و السمك العايش بس هو إللي بيختار طريقو. .

٢٠- ما تسحب حدا من حياتو، لو مانك ناوي تضل ماسك فيه بسنانك..

٢١- كل واحد فينا جواتو قصة غيرتو و من ساعتها و هو مو عرفان يرجع طبيعي متل ما كان. .

٢٢- كل شي بالدنيا إلو تمن لازم يندفع، مشان هيك لازم تكون عرفان عم تستغني عن شو كرمال شو، مشان ما تندم..

٢٣- لو بيوم جربت الإنسحاب، رح تصير عندك عادة. .

٢٤- السن لما عصبو يموت مستحيل يرجع يلمع عليك.. عامل الناس كلها بالأسلوب هاد..

٢٥- كل مشكلة و ئلها أكل. .

٢٦- مشاكلك لو طلعت برا قلبك و حكيتها، بتكون عم تزود عليهن وحدة كمان ..

٢٧-شوية الشوي اللي ضالين عندك، حافظ عليهن، هدول راسمالك بالدنيا..

٢٨- ‏عمرك بالهوية غير عمرك بالمراية غير عمرك مع حدا بتحبو غير عمرك و أنت فرحان غير عمرك و أنت زعلان، جوات عمرك عمر تاني..

٢٩- الحرام قبل العيب، و ربك قبل الناس..

٣٠- ستين عمر أبو الناس..
--------------------------------------------------

حلوة هالنصائح وواقعية كلها ،
يعطيك العافية ..

٢٩- الحرام قبل العيب، و ربك قبل الناس..

اى والله
عجبونى كتير

يسلمو كتير

نصائح واقعية ومميزة
يعطيكِ ألف عافية
تحياتي لك

نصااائح ثمينةة
يعطيككِ العاافيةة البرنسيسةة
ماا ننحرم ..

نصائح من رحم الواقع
وقد تعطينا النهج الحقيقي للحياة
شكراً إلك على طرحهم

كلام سليم ونصاائح قيمة
يسلمو لطرحهاا حنين
دُمتِ بخير ..

كير حبيت الحكي
وعجبتني جدا طريقة السرد
يسلمو دياتك حنينو
ودامت مواضيعك الحلوة
ما ننحرم يا حب