رسالة ريم لشقيها الشهيد

كتبت شقيقة الشهيد ابراهيم أحمد علي الزرقة، رسالة مؤثرة لأخيها، الذي ارتقى أمس الإثنين، خلال مشاركته في مسيرات العودة السلمية شرقي قطاع غزة.

وكتبت الفتاة ريم عبر صفحتها الشخصية بموقع التواصل الاجتماعي (فيسبوك): "صارلي ساعة ونص من لما عرفت انك ع الحدود متخيلاك شهيد ليش.. قلبي اجاله هاد الاحساس ليش؟..
كل جمعة بتروح وبترجع واليوم رجعت محمول وبيرددو لا اله الا الله والشهيد حبيب الله".

وأضافت شقيقة الشهيد إبراهيم: كان آخر مشوار الك رحتو عشان خاطري يا قلبي ووصلت جامعتي ليش مطولتش ؟ كان ضليت هناك، بتذكرك صليت الظهر بالبيت ونزلت، مش بابا حكالنا محدش يروح يا ابراهيم وحكالك اقعد ادرس انت توجيهي وامتحاناتك قربت يا روحي.. رحت عالجنة وسبقتنا ليش.

وواصلت ريم حديثها لأخيها "احنا مش متفقين كلنا مع بعض دايماً، سلم ع الشهدا اللي معاك..يالك بالجنة، ونيال البيت كله بريحة المسك اللي طلعت منك، الشهادة زارتنا يا حبيبي

شوفتهاا علي الأنستا
ربنا يرحم جميع الشهداء
ويصبر أهلهم ..
شكراً لكَ عهد
تسلم ايدك

الله يرحمه ويصبرهم ع فراقه ويجعل مثواه الجنة ويتقبله من الشهداء ،
موجعة جداً وكم بيت فيه مثل هالوجع .. الله يعافينا ويرحمنا برحمته ..

شفتهاا
ياالله ما أصعبه هالشعوور
ربناا يصبرهاا و يصبر كل أهالي الشهداء و يكون معهم
يعطيكك العاافيةة عهد

كلام يوجع القلب
الالم المين على اهل الشهداء
الله يصبرهم