بين اهلي واهلك عداوه

دقت وقالت : مرحبا " قلت : اهلين
قالت : هلا في صوت كله طراوه
ممكن ازا تسمحلي الاخ من وين؟
قلت : بدوي قالت : احب البداوه
بسمع انا ان البِدو كتير حلوين !!
قلت : ايه لكن مو مهم الحلاوه
مع ان فيه كثار منّا مزايين
رغم اللي ظاهر من حياة الشقاوه
وجوهنا سمرا مثل ما تشوفين
وبقلوبنا ما فيه غير النقاوه
لكن رغم سمارنا بس زاكين
ولا شك انتي من الل يحب الزكاوه
قالت : اكيد انتو على الراس والعين
بس في مجال احكي معاك بهداوه
بيئولو انتو يالبِدو كتير آسين
قلت الصحاري علمتنا القساوه
ما همنا كثر الحلاوه او الزين
المرجله ماله دخل بالحلاوه
حنّا نداويه سلايل شياهين
ومن النداوي يفهمون النداوه
وحنا علاوتنا من المجد ضعفين
علاوة اللي يستحق العلاوه
ويوم الكرم من فضل ربي كريمين
معلمين الناس معنى الحفاوه
نمشي على الصعبات بالعسر واللين
واللي صعب يصير ؛ يصير خاوه
ويابنت حنا لا غدا العلم علمين
تدفعلنا بعض الخلايق اتاوه
وازيدلك من اطيب الشعر بيتين
غناهم الشاعر مشاريق جاوه
انا اشهد ان البدو حلوين حلوين
وخفة الدم زودتهم حلاوه
عشرتهم الحلوه على الراس والعين
وحلّا مرابعهم نسيم البداوه
ما غير ودي اسالك انتي منين؟
قالت : رح احكي بس عندي رجاوه
او لا صراحه صعب احكي انا مين!!
لأن بين اهلي واهلك عداوه