المطبق الفلسطيني

المطبق الفلسطيني




المقادير للعجينة /

مادة دهنية ( زيت سيرج او سمنه او زبدة حسب الرغبة )

رشة ملح

ملعقة سكر

ملعقتين حليب

بيضة

خمس كاسات طحين ( حجم كبير )

ماء دافى حسب الحاجة


الحشوة /

لحم مفروم مع بصل او سبانخ مع لحمة او جبنه وزعتر ( حسب رغبة كل شخص )
او قرفة مع الجوز

طريقة العمل /

بنخلط كل المواد مع بعض وبنعحن العجينة لحتى نحصل على عجينة طرية وملساء

وبنتركها ترتاح لمدة نص ساعة وبعدين بنقطعها لكور صغيرة




بعدين بيتم فرد العجينة بالشوبك او اي الة بيتم استخدامها لفرد العجينة زبتكون رقيقة جدا متل طبقة الكلاج تمام




وبنحط زيت عليها وبنشكل العجينة على هيئة مربع وبكل مربع بنثني العجينة بنحط زيت

لحتى نحصل على عحينة هشة وخفيفة




بنكون جهزنا الخلطة طبعا لحمة او سبانخ او جبنة او قرفة وبنحطها بالوسط العجينة وبنعمل شكل المطبق على شكل مربع












بندهن الصينية بزيت مو كتير شوي بالفرشاة يعني وبنحط لمطبقات جنب بعض ع الفرن




الفرن درجة حرارته بتكون عالية لحتى ماينشف العجين ويتفتت










طبعا بيتقدم معها مخلل ولبن وممكن تبولة ومشروب الانتعاش كوكاكولا

فى مطبق القرفة فى ناس بيعملو قطر وبيغمسو لمطبق فيه وفى ناس لا برضو بيرجع على حسب الرغبة وهيك بيكون شكله






وبألف صحة وهنا


هاي وصفتي انا ع فكرة مش منقولة من النت بس الصور من النت ههه


بناء على رغبة @آنثى إستثنآئية واستضافتها لالي وبطلب من @m0m3n رأيه فى الطبق



يعتبر هذا الطبق غني ومفيد جدا لصحة الانسان فهو يحتوي على كمية وفيرة من لبروتين اللازمة لبناء العضلات والمتوفرة فى اللحم والاجبان المستخدمة فى الطبق

بالاضافة للقيمة الغذائية العالية للسبانخ
فهيه غنية بمضادات الأكسدة لمحاربة السرطان
و يحمي القلب والأوعية الدموية
ويقوي جهاز المناعة
ويزود الانسان بالطاقة
فضلا عن فائدته للبشرة