[ العضو المميـز ندم! نورت ككرسسي الآععترآآفف ] ☺

اقتباس   المشاركة الأصلية كتبت بواسطة bad girl مططربكك المففضضل ! ااغنيهه بتحبهـآإ ؟ بسس تزهئ ششو بتعمل ! لونكك المفضضل ! ششي بسستفزكك ففي يلي بتحكي معهم ! وردهه

مططربكك المففضضل !
عبد الحليم حافظ وردة وفيروز

ااغنيهه بتحبهـآإ ؟
حنين لوردة الجزائرية

بسس تزهئ ششو بتعمل !
بطلع مع صحابي أو بدخل نت

لونكك المفضضل !
الأسود والأزرق

ششي بسستفزكك ففي يلي بتحكي معهم !
الي بقاطعني بالحكي او الي بفهم وبحلل عكيفو

اقتباس   المشاركة الأصلية كتبت بواسطة نقاء تشرفنا بمعرفتك محمد شكلي اطلعت بعرفك..هه بس كم سؤال عشان اتاكد اكتر كنت بمنتدى تاني؟وما زلت والا لساتك موجود فيه؟ كيف اتعرفت ع قلب فلسطين؟ وشو سبب تسجيلك فيه؟ بتعرف حد فيه شخصي..ع ارض الواقع يعني؟ واخيرا..شو بتشتغل؟ وراجعتلك بعد ما تجاوب ولو في سؤال مش حابب تجاوب عليه مش مشكله اكيد براحتك

الشرف لي طيبة لا م بظنك بتعرفيني ههه

كنت بمنتدى تاني؟وما زلت والا لساتك موجود فيه؟
اي بدخل منتدى لشب صاحب


كيف اتعرفت ع قلب فلسطين؟
كتبت الاسم بجوجل طلعلي المنتدى


وشو سبب تسجيلك فيه؟
السبب الرئيسي لهدف براسي ولانه منتدى شامل والاخبار فيها متابعة اول باول

بتعرف حد فيه شخصي..ع ارض الواقع يعني؟
اي
واخيرا..شو بتشتغل؟
في للوالد شركة عقارات كلنا بنشتغل فيها انا واخوتي وابوي

اقتباس   المشاركة الأصلية كتبت بواسطة m0m3n اهلا وسهلا ندم نورت كرسي الاعتراف شو رايك بقلب فلسطين ولو انت اداري فيه شو التغييرت يلي بتسويها عليه برجع بوقت ثاني لاسئلك اسئله اخري

هلا بيك ي ورد

منتدى حيلو كتير ونشيط وأعضاءه محترمين
لو انا اداري بضيف قسم فرعي للقسم الاسلامي بسمي مواضيع لايصح نشرها وبزبط ساعة المنتدى فيها مشكلة وانا زائر مشاركاتي اكتر من وانا عضو ههه وتحديد المواضيع م بعجبني بقيد الحرية
مش شايف اهتمام من المشرفين لاقسامهم ومش شايف مسابقات ركزو شوي على هالجانب بهيك بكون منتداكم تمام التمام

اقتباس   المشاركة الأصلية كتبت بواسطة هل كان حباً اختيار جميل وموفق لندم عضو اثبت حضوره بفترة قصيرة موضوع حلو لنتعرف عليه اكثر هكون متابع ولو في اي سؤال هسأل تحياتي لك وله

تسلم ي ورد بتشرفني متابعتك
الله يحييك

اهلا وسهلا اخي محم
منورة الكرسي واكيييد لي رجعة

اختيار موفق

يعطيكم العافية

مسا الخير

اسمحلي اسألك كام سؤال

* مرة كتبت بالمنتدي بلعبة معينة عضو لو ترك المنتدي بتترك معاه كان جواب هي ،


شو بتعنيلك هي ؟ وهدية بتهديها الها ؟ وطلب بدك تطلب منها شو هو ؟



* لاي مدي بتحافظ على نصفك الثاني وحبك يلي طلعت فيه من الدنيا ؟

* كام مرة شعرت فيها بالذنب وتأنيب الضمير ؟

* شو رأيك بالوضع بغزة ، وهل جهة معينة بتتحمل السبب والا الكل طرف بلي وصلنا اله ؟

* اكنب جملة ، ولمين بتهديها ؟

* لونك المفضل ؟

شاعرك المفضل ؟

مثلك الاعلي ؟


بكفي لهون

يعطيك العافية

مسا الخير للجميع،
ننوش حلو اختيارك للعضو ندم،
ندم اهلين فيك بالمنتدى، ع بالي اسألك هالكم سؤال.
بس قبل، كيفك؟

**بعدني مشاركتش بمواضيعك، ولا سبق ولعبت معك صدفه، بس دايما عم بشوف مشاركاتك،
من خلالون لاحظت انك "يا دوب بتضحك"، مع إنه سبق وانطرح مشاركات معك يمكن عنجد بتخلي الواحد يضحك فيها وكنت اتوقع اشوف ضحكتك اكتر او اشوفها احلى حتى ! بس شكلك مصر ع إنه ضحكتك تكون هالقد قصيري "ههه"، مع إنك سبق وحكيت إنك وقت الجد جدي ووقت الضحك بتضحك، بس انا مش شايفيتك بتضحك بمعنى ضحكه، هلاء اكيد مش بالقوه الواحد يضحك بس ليه هالقد انت جدي؟ او خليني اسألك هالسؤال هل العضو لازم يكون هالقد يكون جدي ليحافظ ع وجوده بالمنتدى؟ وهل لازم انا اكون بعرفك معرفه شخصيه قويه لحتى تضحكلي واضحكلك؟ تنيناتنا مش طالبين من بعض، بس مجرد مثال
جرب تكون رخو اكتر بشوي، بس ما ترخى كتير !


**بلاحظ إنك لافت نظر اغلب الاعضاء، يمكن اكون غلطانه بعرفش بس انا هيك لاحظت، حسب رأيك شو اللي لافت نظرون فيك؟ بما انك انت ندم المفروض تكون حاسس او عالاقل عارف الجواب،
لافتون غموضك كونك شخص مش معروف هون؟ ولا اشي تاني؟ او يمكن آخر همك !


**شو اللي بمنعك تكون انت ندم بشخصيتك بأفكارك بأسلوبك الخاص فيك اللي محدا بشبهك فيون، بدون ما تكون معلّق بحدا؟ اكيد عم تقول ليش سألتك هالسؤال، لإنه انا شخصيا شعرت إنك بتحسش إلك كيان بالمنتدى إلا بوجود حدا معين.


**قديش بيهمك تترك انطباع ايجابي عند الاعضاء؟ وإنك تكون شخص ايجابي حتى بوجودك كعضو بالمنتدى من ناحية مشاركات وصور والقاب؟ عم بسألك هالسؤال لإنك مسمي حالك "ندم" ومعروف عن الندم من ضمن الاشياء اللي مش حلوي بالحياة، اختيارك لندم ممكن يوحي انك شخص مش متفائل بالحياة وهذا طبع ممكن تتركه عند الغير، على كل حال بالرغم من كل هذا، حبيت انك بتحاول تبين انك حقيقي.


**بتعتبر حالك شخص ناجح بالحياة او فاشل؟ وليه؟


**لاحظت الاعضاء حابين يعرفوك اكتر من هيك، ويمكن هاي خصله فعلا موجوده عند العرب، بحبوا يعرفوا كل اشي عن الحدا، بتركوش الحدا بحالو، مع احترامي للأعضاء اكيد، ويمكن الاشي عم بطلع من الاعضاء كتصرف عفوي مش اكتر، ولكن عم بحكي عن اشي موجود حتى بأرض الواقع، صعب ننكره حتى لو كان موجود فينا واحنا مش حاسين فيه، بتأيد كل اللي قلته؟


**سبق وعرفت المطربين المفضلين عندك (عبد الحليم، ورده، وفيروز)، هل ذوق الإنسان اللي قبالك بالغناني او بالمطربين المفضلين عندو ممكن يكون مقياس لأشياء معينه ولتاخد عنه انطباع؟ انه ع سبيل المثال الشخص اللي قبالك بيحب "نانسي عجرم" مجرد مثال بما انها من فنانين هالعصر، بلحظتا بتبطل اتطيق الشخص اللي قبالك؟ او انه دغري بيعجبكش لمجرد إنه بسمع لنانسي؟ انو هالتفاصيل اللي انا بعتبرها ثانويه هل لازم نركز عليها بالإنسان؟ لحتى نعرف مين وكيف وايش هو؟!


**اكتر اشي لفت انتباهي فيك انه عمرك 28 (العمر كله)، يمكن لإني طول عمري بفضل هالنوعيه من الناس الكبار بالعمر اكتر من اي اشخاص تانيين بالحياة، كتير بحب اسمع من هالناس اللي بجيلك واكبر، شو ممكن تحكيلي انت كإنسان عاش وشاف كتير بحياته؟ او تنصحني من إنسان لإنسان؟


**شو مفهومك للفلسفه؟ بتحب الشخص يللي بتفلسف؟ اه ولا لاء وليه؟


**انت كشخص بالغ وواعي ويمكن عارف شو بدك انت من الحياة، برأيك شو الاشياء يللي لازم تكون موجوده بحياة الإنسان لتضمن اكتر وجود النجاح والاستقرار بحياته؟


**قديش انت غامض بالنسبه للأغلب، بس قديش لمست فيك الرومنسيه، رومنسيتك لمين؟


**بتآمن بالحب من اول نظره؟ وانت كشخص يمكن جرب بجياته او يمكن مجربش، شو الفرق بين الاعجاب والحب؟


**بشي مرحله من مراحل حياتنا لازم يصيبنا الغرور لإنه إذا ما حسيناش فيه ممكن يكون في اشي مش مزبوط فينا ! غرور لندرك قيمة نفسنا وذاتنا اولا، ولندرك قيمة الاشياء اللي تعبنا لحتى وصلنالها ثانيا، غرور مؤقت ومن حق الإنسان يلمسه ! قديش بتأيدني؟ وليه؟


**سؤالي قبل الاخير إلك، بتمنى ما تزعلش منه ولكن انا كعضوه فالمنتدى مش متعوده اسأل اسئله تافهه مع عذري ع هالتعبير، او اسئله معروفه تعودنا نقراها مليون مره بالمواقع، بحب اسأل اشياء بتعبر عن العضو ولو اشي بسيط واللي ممكن تعكس اشياء بشخصيته، او اسئله اللي بحسا عنجد بتلبقلو.


**سؤالي، بحسك متل كإنو محدا معبي عينك بالمره ! او متل كإنو محدا بمستواك،
مع إنك بتاخد وبتعطي مع الاعضاء بالمشاركات مزبوط، بس انت محدا معبي عينك ومحدا بمستواك، يمكن تنكر لإنه محدا ممكن يعترف بهيك اشياء لإنه غالبا الإنسان بيحسش ع سلبياته اللي مش كتير بتكون حلوي. بس انا هيك شعرتك، وعفكره مش بالضروره اللي حكيتو يرمز لإشي سلبي ! ممكن يرمز للثقه بالنفس !


**واخيرا شو بتحب تحكي لسمره؟


شكرا ويعطيك العافي سلف ع الاجوبه

اختيارر موفق لعضو مميز

بدي أسأل سؤال شوية تافه يمكن


ليش بتكتب كلمة حلو بهاي الطريقة " حيلو " ؟

نورت ندم كرسي الاعتراف

فرصة جميله لاتعرف ع ششخصيه ندم من خلال هالمساحة

متابععه ان ششاء الله

الف عافيةة ننوش للاختيار

ودي