محاورة زجل بيني وبين أخي عيسى

حافظي على دروسك
خليها الماما تبوسك
راجع احسن قاموسك
بكره عندك امتحانات

من هينا ماني طالع
ع بيتي ماني راجع
الا تتيجي راكع
او تهرب مثل البنات

مش انا يلي بهرب
انا من دمك بشرب
لكنه دمك اجرب
ومعفن مثل الحشرات

علييّ مش راح تقدر
انا اقوى من عنتر
كلك ع بعضك ازعر
زلمي من خلف الشاشات

اسمعني يا اخينا
يلي جاي تعادينا
الشِعر بكبر فينا
وفينا بتفخر الكلمات

اسمع مني تقلك
الله يخليلك أمك
روح ارعاها احسلك
فيها بتوخذ حسنات

امي تاج ع راسي
وبتجري جوا احساسي
هيا الحب الأساسي
قالولي عنها الجنات

اسمع شو قالوا كمان
امي الوطن والامان
مثل الورد والرمان
ع راسي ست الستات

يا عيسى يلي قبالي
يا بن ابوي الغالي
لو حطك جوا بالي
راح بتقضيها اهات

دير بالك ع حالك
وحط الفكرة في بالك
ابعد عني احلالك
لأني بضرب شفرات