Golden Eagle ضيف موضوع كرسي الإعتراف لهذا الأسبوع .

منور الكرسي جولدن
يسعد اوقاتك
النور نورك لونلي

// بنظرك امتى الإنسان بتغير؟ وشو الأسباب يلي ممكن تخليه يتغير ؟ وانت بنظرك بالفترة الاخيره اتغيرت؟ ، ولو اتغيرت اتغيرت للاحسن ولا للاسوء؟
الضغوط بتغير أشياء في الإنسان لكن مابتغير معدن الانسان
وانا اكيد اتغيرت في اشياء الحياة تفاعل وتكيف وهالشي طبيعي وبالنسبة للجزء الاخير هههه في اشياء اتغيرت للافضل وفي اشياء لا للاسف للاسوء.

وشو الصفات يلي تغيرت فيك بالفترة الماضيه ؟
صرت اكثر سعة وتحمل وصرت ما ادقق كتير .

// لو غمضت عينيك هلأ شو هو الشي يلي ممكن تفكر فيه ؟
مكان بعيد فيه طبيعة ساحرة.

// شو اكبر مخاوفك ؟
طبيعي تقلبات المستقبل.

// شي حققته وبتفخر فيه شو هو ؟
اكبر انجازاتي في عملي.

// لو طُلب منك العودة في الزمن وتصحيح أمر خاطئ صدر عنك .. شو هادا الخطأ وإلى أي وقت رح ترجع ؟
في اشياء مثلا بدايات عملي لو كنت قريب من اهلي كان أفضل.

// شي مرة قمت بتجربة معينة وحابه تكررها مرة تانيه وشو هي ان وجدت ؟
المغامرات بشكل عام بحب اغامر واكتشف في العالم في الإنسان والمكان.

// شو اكثر شي بميز الشخص يلي بتحب تختاره صديق الك ؟
يكون طيب ومثقف وواسع الإدراك.

// ذروة غضبك لوين ممكن تصل وشو ممكن يصدر عنك ؟
انا نادرا ما اغضب لكن بحاول تقييد غضبي والتحكم فيه.

// تجري الرياح بما لا تشتهي السفن
كم هي المرات التي جرت فيها الرياح عكس آمالك وطموحاتك ؟
ههههه كتير لكن الحمدلله.

// أين ترى نفسك في الحياة ؟ ماذا حققت وما الذي تطمح لتحقيقه بالمستقبل ؟
أرى مكانا استقر فيه مع عائلة جميلة.

// اصعب موقف مريت فيه وترك فيك اثر كبير ؟
تجربة انفصالي لكني تجاوزتها الحمدلله.

// الدنيا مرات بتعطينا اشيا ومرات بتاخد منا . شو اعطتك الدنيا وشو اخدت منك ؟
اعطتني العلم والخبرة وأخذت مني اشياء على الصعيد الشخصي الخاص والحمدلله على كل شئ.

// شو يلي بميزك عن غيرك ؟
متسامح

// الامنيات كتيره وكل واحد عنده امنيات شو الامنيه يلي بتتمنى تحققها وبشدة ؟
الاستقرار.

// ممكن تحكيلنا عن احلى يوم بحياتك ؟
سبق تحدثت عنه وهو كان حفل تخرجي بكندا وأهلي عملوا مفاجئة وحضروا الحفل.

// امتى بتحس بالضعف ؟وامام مين ممكن تضعف ؟
انا ضعيف أمام اي شئ إنساني وبضعف لما اشوف الجور والظلم وقع على احد وبحاول اساعد.

// كنا خيرامة اخرجت للناس والان لا يرأيك ماهي الاسباب؟؟
السبب واضح لأننا تركنا جوهر عقيدتنا.

// الصفات يلي بتتمناها بشريك حياتك ؟
تكون مثقفة وطيبة ومتسامحة وتعرف تتصرف وجميلة طبعا هههه.

// وقت خلوتك مع نفسك بشو بتقضيها ؟
بالقراءة والتأمل

// امتى بقسى قلبك ؟
ماعمري قلبي كان قاسي. انا وان قسيت فرضا وحسيت عطول بتراجع هههه.

// دمعة انحبست داخل عيونك واجبرك الزمن على ايفافها قبل أن تسقط امتى وشو السبب ؟
فراق الاحبة.

بتمنى تكون اسئلتي خفيفه عليك
هي خفيفة ومركزه ههههه
سعدت بوجودك لونلي. @lonely heart

اهلا وسهلا جولدن تابعت اسئلة اصدقاء المنتدى وشفت اجاباتك وواضح انك شخص ناضج وواعي وطيبة شخصيتك عندي 3 اسئلة
حياك الله اخي اسمر وهذا من ذوقك

ندمت على عدم الزواج ؟
انا كنت متزوج وانفصلت وكل شئ نصيب وان شاء الله فكرة الزواج موجودة .
لو أجبروك على جنسية واحدة ومكان واحد تعيش على أرضه بتختار غزة ولا السعودية ؟
والله يا اخ اسمر انا كل ما ابحث عنه هو الاستقرار والموضوع مش اختيارات وكتير بنكون مسيرين وتجبرنا الظروف
لكن السعودية من أجمل البلاد اللي ممكن تعيش فيها وشعبها طيب وغزة بلدي ومسقط راس ابائي واعتز فيها وبفلسطين بالعموم فاللي حاب اقولة احنا ظروفنا بتحكم فينا.

شو رأيك بالوضع الحالي للسعودية ؟
السعودية تعيش مرحلة فيها التطور والتغيير بشكل متسارع وانا كوني مولود هناك فبقدر أميز التغيير الكبير اللي حصل والتطور وان شاء الله للافضل.

مشكور جولدن ومشكورة صاحبة الموضوع
العفو اخي اسمر نورت. @أسمر

الكرسي مضلم وانت غايب يا جولدن.*
ههههه حضورك منوره ياريحان


رجعتلك بكام سؤال..
اهلا وسهلا

1/ لو هتحب تستقر في بلد معينة هتبقى إيه هي؟
بلد إسلامي لازم يكون لانه رح تحس بدفء مارح تلاقيه بالغرب والحياة الغربية بشكل عام لاني عشت بالغرب واقدر أميز ذلك.
2/ أسعد سنة عدت عليك والسبب؟
تخرجي من الجامعة

3/ جالك اكتئاب قبل كده؟ وعرفت تتعافى منه ازاي لو حصل؟
ههههه لازم جواب .. ايوا جاني ومش عيب اقول اني مريت بمرحلة اكتئاب فالنفس البشرية قابلة للانتكاس والحمدلله اتعافيت منه لاني شخص متفائل جدا والموضوع والحل بسيط تأمل الجمال في حياتك وموجود حوليك بس بتكون انت مش شايفه فتأمل وتأمل.

4/ ايه رأيك في الرجل متعدد العلاقات؟
دا لايبحث بتاتا عن الاستقرار هو يعيش نقصا وبغطيه بنزواته.

5/ الخيانة تمحي وجود الشخص من حياتك ولا ممكن تسامحه وتديه فرصة تانية؟
تمحيه بتاتا الخيانة صعبة والله.

6/ لو طلعلك مصباح علاء الدين إيه الأمنية المستحيلة اللي هتتمناها؟
اكون نسر ذهبي هههههه مافيش حاجة مستحيلة بس بدها صبر.

7/ أكتر شيء بيعجبك في نفسك؟
متسامح

8/ شيء مفتقده في حياتك حاليًا؟
الاستقرار.

9 / شخص ترك أثر فيك؟
ولازال هو ابي.

10 / الحب ولا الاحترام أهم؟
الاحترام قبل الحب.

وهرجع تاني. ☆
انت تنوري وسعيد بذلك. @ريحآن

منوّر الكُرسي جولدن
تابعت، وإجاباتك بتنم عن فكر راقي..

عندي نونة أسئلة..

1/ متَى شَعرت بالسّعادة الحقيقيّة وإنّه الدّنيا مِش وَاسعة فَرحتك؟
2/ شِيء موجُود في المُجتمع يلّي عايِش فِيه وبتتمنّى زوالَه؟
3/ لَو كَان بإمكانِك العودَة لمَرحلة مَا في حياتِك، أي مرحلة بتختَار؟
4/ أكثَر شي بتقضِي وقتَك عليه؟
5/ لو طَلبت تعطِيني نصِيحة بواقِع خبرتك الحَياتيّة، شو رح تكُون؟

بس..

يسعد مساك

اكبر مخاوفك من شو

برأيك شو يلي بخلي العلاقة ناجحة بين أتنين

شي حاولت تبحث عنه ومالقيت لحد الان


كيف تكون بنظرك الفتاة التي تلفت نظرك

ما رأيك بعلاقات النت ليس بشرط حب ممكن صداقة قوية او اخوة


ان شالله كون لطيفة وخفيفة الحضورك لك
دمت بكل خير

منوّر الكُرسي جولدن
تابعت، وإجاباتك بتنم عن فكر راقي..
النور نورك يانور وانت مثال الرقي
عندي نونة أسئلة..

1/ متَى شَعرت بالسّعادة الحقيقيّة وإنّه الدّنيا مِش وَاسعة فَرحتك؟
ايام تخرجي وحصلت على مرتبة الشرف بامتياز

2/ شِيء موجُود في المُجتمع يلّي عايِش فِيه وبتتمنّى زوالَه؟
النفاق والتجاهل صار كل إنسان يقول اللهم نفسي

3/ لَو كَان بإمكانِك العودَة لمَرحلة مَا في حياتِك، أي مرحلة بتختَار؟
الجامعية.

4/ أكثَر شي بتقضِي وقتَك عليه؟
العمل وبعد ذلك القراءة

5/ لو طَلبت تعطِيني نصِيحة بواقِع خبرتك الحَياتيّة، شو رح تكُون؟
حاولي دائما انك ترسمي الك طريق اوك رح تواجهك صعوبات بس حاولي تكملي الطريق للنهاية وكوني مرنة في مواجهة الصعاب.


ربي يسعدك نور ويوفقك. @نور الروح

اقتباس   المشاركة الأصلية كتبت بواسطة أسمر اهلا وسهلا جولدن تابعت اسئلة اصدقاء المنتدى وشفت اجاباتك وواضح انك شخص ناضج وواعي وطيبة شخصيتك عندي 3 اسئلة ندمت على عدم الزواج ؟ لو أجبروك على جنسية واحدة ومكان واحد تعيش على أرضه بتختار غزة ولا السعودية ؟ شو رأيك بالوضع الحالي للسعودية ؟ مشكور جولدن ومشكورة صاحبة الموضوع

العفوو اسمر ’ نورت الموضوع

يسعد مساك

اكبر مخاوفك من شو
القادم والمجهول لكن انا موكل أمري على الله.


برأيك شو يلي بخلي العلاقة ناجحة بين أتنين
التفاهم والاحتواء.

شي حاولت تبحث عنه ومالقيت لحد الان
الاستقرار.


كيف تكون بنظرك الفتاة التي تلفت نظرك
الأسلوب والهدوء هذا اولا وبعدها الثقافة والفكر والجمال.

ما رأيك بعلاقات النت ليس بشرط حب ممكن صداقة قوية او اخوة
نعم ممكن وجدا.


ان شالله كون لطيفة وخفيفة الحضورك لك
دمت بكل خير
انت منورة دايما يا انثى الغرام ويسعدك. @آنثى الغرام

اقتباس   المشاركة الأصلية كتبت بواسطة ساندي اختيار مميز للعضو الراقي بحضوره وردوده الرائعة الأخ الفاضل ........golden eagle وان شاء الله نستمتع أكثر من خلال الاستضافة وألف شكر حبيبتي الغالية ع مبادرتك المعتادة دوم ما ننحرم لا منك ولا من ضيوفك الأعزاء دمتم بحفظ الرحمن

العفوو حبيبتي
ربي يسعدكك
نورتِ

اقتباس   المشاركة الأصلية كتبت بواسطة lonely heart اختيار حلو ومميز لجولدن شخصيه راقيه وواعيه برجع ان شاء الله بالاسئله يعطيكي العافيه أم امير

الله يعافيكِ و يسعدكك
نورتِ