بطلنا نتعاتب

عمرنا ما بنعاتب غريب ، عشان العتاب دا حاجة كبيرة، انك تفتح قلبك وتقول اللي مخليك واخد على خاطرك، انك تدي اللي قدامك فرصة يعتذرلك، عشان تصفاله ويفضل مقامه عندك عالي ، مش كل الناس بتفهم ان العتاب محبة واهتمام، فكره انك تتنازل للي قدامك عن بعض كبريائك اعتراف صريح بالغلاوة، افتكر كدا اللي عاتبتهم وعاتبوك، عمرنا ما عاتبنا غير اللي بنحبهم ومش عايزين نخسرهم، بالعكس، لو بطلنا نعاتب بعض الفجوة بينا هتزيد، لحد ما يبقى العتاب ملوش معنى..

طول ما احنا بنتعاتب طول ما احنا قلبنا على بعض، تخاف بس لو بطلنا نتعاتب، ساعتها تعرف اننا بطلنا نفرق مع بعض.