أفكار الفجر الي دوبه الواحد بعرف يشرحها ..
ونا صغيرة عمري ما فهمت معنى كلمة " كل إناء بما فيه ينضح " أنه ليه وكيف وكنت أحس بثقة خلص أنه ال بتتعامل فيه مع حدا بتلاقيه ، بس لما كبرت عرفت كيف ممكن شخص يبقى معاك لفترة كبيرة وفجأة بيتغير 180 درجة، طب ليش؟ طب كيف؟ طب شمعنا هاد الفكرة دوناً عن كل الأفكار ال تخطرله ..فش جواب غير إنه فعلياً كل إناء بما فيه ينضح! حتى لو ضل ينضح بكل الأشياء الي عكس باطنه، لما تخبي اشي عن شخص لرغبتك بالخصوصية بس وفجأة يبلش يتهمك أنك كزاب، كزاب، حقير، أكيد في سر وراك، هاد مش عشان أنت هيك ..هاد عشان هو كزاب وخبى قبل هيك مليون شغلة عن ناس فأول شي اجا ببالوا أنك كزاب!
وهاد ال بيثبت جملة " الخايّن بخون" الإنسان بيشبه الشيء المألوف عليه، الملان من جواه فيه، مستحيل تلاقي شخص عمره ما كذب على حدا وشكاك بنفس الوقت، مستحيل تلاقي شخص محترم و نيته سودة ووسخة بكل ال حواليه، هاد اشي مش منطقي بالفطرة، بس الوسخ أول فكرة حتمر بباله الوساخة، الخاين كذلك..الكزاب..الأناني..الحقير، كل بني ادم بيلف وبيرجع لأصله فبيتعامل كيف هوا من جواه بيحس كل ال حوليه شبهه ، صعب يقتنع أنه هالبني ادم غير، زي الطيب و المحترم و الوفي نفس الفكرة وصعب يقتنع أنه في حد وسخ وخاين..بالنهاية بنقول الحمدالله على الرؤية الواضحة، الحمدالله على المواقف التافه ال تخلي الإناء ينضح فعلا ويبين قذارة تفكير شخص كان مخبيه العشم والمجاملات وإلخ..
آخر 10 مواضيع
.gif)
.gif)
.gif)
العرض العادي
