لاتترك بقلبك شعور لإنسان ، احكي ع طول ، إياك تتهاون بمحبة حدا ، لاتتأخر بمصارحتك ..!

كلنا بنعرف قصة الشب اللي طول عمره بحب بنت الجيران ، و لما أخيرا تشجع و قرر يحكيلها لقاها انخطبت 💔
متل البنت اللي كانت خاطبة ، و توفى أبوها فخطيبها ما حكى معها على أساس تهدى و تروق ، فانتهت الخطبة!
قديه خسرنا ناس و قلت قيمة ناس بحياتنا لأنهم ما كانوا جنبنا بالوقت الصعب و استنونا نهدى ! 💔

شوف كم حدا اتأخرت لحد ما ضاع الوقت وخسرتو .. 💔👌
طب شوف كم مرة استنيت رسالة من حدا ، رنة ، زيارة ، دعوة ، ضحكة ، أي شي ، و خلص لحد ما يروح الشغف و تمل و انت بتستنى ، لأنه تأخر ! 😕
قبل فترة سمعت برنامج على الراديو بيحكي انه الوقت بينشرى ، و بكلف ملاييين ، بس العمر لا ، بضيع بلحظة ..💚👌
الفكرة انو نحنا ليه دايما متأخرين ؟ ، ليه بنستنى ؟ بنستنى ليخلص الزعل ، ليبرد العتاب ، لتروح الضحكة و تنشف الدمعة ! ليه ما بنعاتب بعض و بنصالح بعض و بنكون مع بعض و المشاعر بعزها ، بأقوى حالاتها ! 💚

ليه بنتأخر لحد ما تدوب الحبال و تموت العلاقات ؟ 💚

ما حدا ضامن حياته أو حياة غيرو ، احكوا مع بعض ، عبروا عن مشاعركم تجاه بعض ، عاتبوا بعض ، احكوا كل شي لبعض ، لانه حتى لو ضامنين وجودكم بحياة بعض ، فإنتوا مش ضامنين عمركم ❤

ما تأخرو رد ، ولا عتاب ، ولا توبة ، ولا حقيقة ، ولا مصارحة ، بلا ما نحس بقيمة الشي بعد ما يضيع منا💔 ✋

كلامك مزبوط مية بالمية حنينو
محسوبتك من الناس اللي بتحكي ع طول
وما بتاخر بالمصارحة ههه
وبحب اعبر عن مشاعري للي بهمني امرهم
بكل وقت وبكل فرصة
ما بحب اخلي كلام مخنوق جواي تجاه حد
كتير حبيت الموضوع
ويا ريت الكل ياخد بهالكلام
عوافي حنينو

فعلا بلا ما نحس بقيمة الشي بعد ما يضيع منا

كلام صحيح
وموضوع قيم
م ننحرم جديدك
احترامي

يمكن الصراحة وعدم التردد بيقصروا المسافات
وبيوفروا الوقت وبيخلونا نرتاح من ضغط الكتمان
بس مش أي شخص بيستاهل صراحتنا
ميرسي سوار
عوافي

هو الصح انه ما نخبي مشاعرنا لكن مش دايماً بنفع هالحكي ،
يعطيك العافية لادراجك الراقي ..

إي والله
لازم تستغل كل لحظةة بحياتك
ما تخبي ولا تخلي شي بقلبك
بعدين تندم انك ما حكيتوو
يسسلموو حنين
طرح كتير حلو

في العديد من المواقف كان يجب أن نتحدث
لهيك الإنسان بندم كثيراً على عدم الحديث والبوح في بعض المواقف
وكذالك ممكن نندم على الحديث
ولكن أعتقد الأفضل أننا نتحدث مهما كانت العواقب
موضوع بسيط لكن كله جمال
جوهره مميز
شكراً لكِ

فعلاً ما لازم تترك بقلبك شي تجاه اي انسان
وصارحو ع طول

حبيت طرحك
كل الشكر الك

يسسسلمو للطرح حنين
ماننحرم جديدك