خطوات مقدسية

يمكن البعض بقول شو هالعنوان وشو بتعني لونلي بخطوات مقدسية
خطوات مقدسية بمثل مجموعه من الشباب المقدسين يلي هم من المثقفين والواعيين والقراء والناجحين ويلي حققوا ذاتهم وحققوا انجازات واضحه بالقدس
للسنه التالته ع التوالي بتم دعوة مجموعه من هدول الشباب لمسرح الحكواتي
ويلي تقريبا بكون عددهم بكل مرة 14 شخص من قبل مركز مسار يلي هو من اشهر المراكز يلي بتحتضن هيك شباب
وبتدعمهم وكمان بدعم مواهب كتيره من الاطفال والشباب والشابات وبوجهوهم وبعززوا الامور الايجابية يلي عندهم
قبل اسبوعين كان في احتفال وتكريم لهدول الشباب ..كل واحد فيهم حكي عن خطوات نجاحه وشو عمل
وشو التحديات يلي واجهها وكيف وصل لهدفه وحقق مكانه وصار شخص ناجح ومميز
رح احكي عن مجموعه منهم مش كلهم بشكل موجز لحتى ما اطول عليكم
قبل لنفوت المسرح التقيت مع مجموعه كبيره من المثقفين والقراء البارزين يلي هم معروفين بالقدس وبتجمعني فيهم معرفة سابقه
كنا نجتمع كل ما يصير احداث بازه ومميزه بالقدس او اوقات ما كنت متطوعه معهم
اول لقاء كان مع دكتور بيطري اسمه دوسيم طهبوب هو مش بس دكتور بيطري حقق انجازات تانيه وصار مسؤول عن مؤسسه لتمية مهارات ومواهب الاطفال
في الوقت يلي اعطوه لاله لحتى يحكي عن حاله تكلم عن التأثير الايجابي لتربية حيوان اليف ع سلوك وتربية الطفل بطريقه غير مباشره





تاني لقاء كان مع الدكتورة رهام سموم كانت معلمة احياء بدرس في مدارس القدس لكن كان عندها طموحات اكبر من انها تكون مدرسه احياء فقط
ع مدار 10 سنوات كانت تعمل ابحاث في جامعات القدس لكن ما كان في دعم مادي كافي لحتى تكمل ابحاثها لهيك اضطرت تقدم عند اليهود
عملت مقابله مع مسؤول يهودي ولقاءها كان كتير ناجح وقبلها لحتى تعمل ابحاثها
كانت هي الوحيده في المختبر يلي محجبه كان الكل ينظر الها بنظره غريبه لكن مع الوقت عرفوا اديه هي انسانه طموحه وناجحه
ولاقت احترام منهم وحققت كتير انجازات في الابحاث تميزت فيها







كمان كان في لقاء مع الصحفيه المشهوره جمان ابو عرفة يلي هي ام لطفلة وزوجه لمعتقل المعروف عنها انها كانت تغطي معظم الاحداث يلي بتصير بالقدس
تكلمت عن مدى حبها للقدس ودعم اهلها وزوجها لالها وكيف كان تأثير عملها ع حياتها وانه بنتها وزوجها كانوا ييجوا بالمقام الاول قبل عملها وما يكون في تقصير منها تجاههم





كان كمان في لقاء مع المصور المشهور فادي عميرة او كما يسمى بقناص الصوره وهو من احد الاشخاص يلي بعرفهم عن قرب
كنت اشوفه بمعظم الاحداث يلي كانت تصير بالقدس
تكلم عن شغلات كتيره ما كنت اعرفها عنه من قبل .. بدأ مسيرته كرسام
كان يرسم المعالم الاثريه بالقدس بكل دقه ويوثقها
بعدين اتجه نحو التصوير وحاليا هو مسؤول عن 10 مراكز طبيه بالقدس
تصويره جدا رائع وبصب اهتمامه ع ابراز جمال القدس والمدن الفلسطينيه المهجره وبحاول يجذب المقدسيين لالها





هاي الصورة صورها وقت خسوف القمر واستعان باصدقاءه لتطلع بهاي الصورة الجميلة



هاي صورة لاحدى القرى المهجرة ويلي بتبين جمال مدنا الفلسطينية















في اخر رسمه كان دقيق جدا رسم كل حجر موجود وادرجه بكل تفاصيله



كمان كان في لقاء مع منى الباشا وهي طالبه من بيرزيت في السنه الاخيره هي بنت لممثله وممثل ومخرج حاز فلمه الاخير ع
جائزه افضل فيلم بدأت التمثيل من لما كانت طفله
تكلمت عن حبها للتمثيل من صغرها واديه اهمية التمثيل في طرح قضايانا وادبه بلعب دور كبير بحياتنا وتوعيتنا




رح اكتفي بهدول الاشخاص بس لانه بطول الشرح عنهم كلهم
اللقاءات كانت جدا ممتعه وبتمنى لو بصير بكل المدن الفلسطينيه هيك شي
وبتمنى اكون انا كمان وحدة من ضمن هدول الناحجين واليارزين بالقدس
رح اترككم مع باقي الصور

















وبكون هيك انتهيت

ككتير ححبيت الفككرة اجممالاً
ححلو وققت نششوف ححدا ناججح بششي
بيعططيني ايجابيةة ودعمم
ان ششالله تككون بااقي ممدن فلسسطين ممتل م اتممنيتي
ويعملوهااا
يسسلمو ايديككي لووونلي
ججورياااتي لعيونكك

اقتباس   المشاركة الأصلية كتبت بواسطة شــام ككتير ححبيت الفككرة اجممالاً ححلو وققت نششوف ححدا ناججح بششي بيعططيني ايجابيةة ودعمم ان ششالله تككون بااقي ممدن فلسسطين ممتل م اتممنيتي ويعملوهااا يسسلمو ايديككي لووونلي ججورياااتي لعيونكك

ان شاء الله
اكيد شي حلو ومشجع وبعطي دفعة لقدام
الله يسلمك يا رب حبيت وجودك شام
شكرا لحضورك الحلو نورتي

ححبيبتتي الموضوعع ككتيرر ببججنن !
ححابهه اقرئئوو ع روآآءء ففيي صبحح !
يسسلممو دياتككك ع ممواضضيعكك
الغغريبهه الحصصريهه المميزههه ')
ووردهه

اقتباس   المشاركة الأصلية كتبت بواسطة barbie ححبيبتتي الموضوعع ككتيرر ببججنن ! ححابهه اقرئئوو ع روآآءء ففيي صبحح ! يسسلممو دياتككك ع ممواضضيعكك الغغريبهه الحصصريهه المميزههه ') ووردهه

مش غريب ولا شي ههه
بتنوري موضوعي باي وقت حبيبتي
الله يسلمك يا رب حضورك هو يلي بجنن
شكرا كتير لجمال حضورك وشكرا ع تثبيتك للموضوع
نورتي حبي

اجمل مافي الحياة الابداع في النجاح
وان تشعر بتأثيرك الإيجابي على مجتمعك
موضوع رائع من الرائعة لونلي وليس بالغريب منك هذا التميز
ورودي وتقيمي بالنجوم

رائع

الفكرة وتنفيذها وانها كلها بتصب ةبتركز على المدينة المقدسة

وعجبتني فكرة الدكتور البيطري ودراسته عن تربية الطفل وتعامله مع حيوان أليف

كلها اشياء رووعة وبتستاهل الدعم ومتلك بتمني اكون متل هدول الناس

طرح جدا مميز لونلي

عوافى ياطيبة

الفكرة شبيه ببرنامج Ted اللي بيحكو فيها عن تجاربهم
وكيف وصلوا للنجاح ، حلو انه يكون عندنا فكرة فلسطينية مشابهه الها
يعطيك العافية لادراجك القيم ..

اقتباس   المشاركة الأصلية كتبت بواسطة golden eagle اجمل مافي الحياة الابداع في النجاح وان تشعر بتأثيرك الإيجابي على مجتمعك موضوع رائع من الرائعة لونلي وليس بالغريب منك هذا التميز ورودي وتقيمي بالنجوم

فعلا النجاح شي كتير حلو
حضور رائع وراقي منك جولدن
انبسطت من حضورك وردك
شكرا لالك نورت موضوعي

اقتباس   المشاركة الأصلية كتبت بواسطة خَمْر أيلول رائع الفكرة وتنفيذها وانها كلها بتصب ةبتركز على المدينة المقدسة وعجبتني فكرة الدكتور البيطري ودراسته عن تربية الطفل وتعامله مع حيوان أليف كلها اشياء رووعة وبتستاهل الدعم ومتلك بتمني اكون متل هدول الناس طرح جدا مميز لونلي عوافى ياطيبة

ان شاء الله بتوصلي ليلي بتتمنيه خمر
وبتحققي نجاحات كبيره بحياتك
انبسطت من وجودك وردك الراقي
شكرا لالك نورتي