منتديات قلب فلسطين - خطوات مقدسية

يمكن البعض بقول شو هالعنوان وشو بتعني لونلي بخطوات مقدسية
خطوات مقدسية بمثل مجموعه من الشباب المقدسين يلي هم من المثقفين والواعيين والقراء والناجحين ويلي حققوا ذاتهم وحققوا انجازات واضحه بالقدس
للسنه التالته ع التوالي بتم دعوة مجموعه من هدول الشباب لمسرح الحكواتي
ويلي تقريبا بكون عددهم بكل مرة 14 شخص من قبل مركز مسار يلي هو من اشهر المراكز يلي بتحتضن هيك شباب
وبتدعمهم وكمان بدعم مواهب كتيره من الاطفال والشباب والشابات وبوجهوهم وبعززوا الامور الايجابية يلي عندهم
قبل اسبوعين كان في احتفال وتكريم لهدول الشباب ..كل واحد فيهم حكي عن خطوات نجاحه وشو عمل
وشو التحديات يلي واجهها وكيف وصل لهدفه وحقق مكانه وصار شخص ناجح ومميز
رح احكي عن مجموعه منهم مش كلهم بشكل موجز لحتى ما اطول عليكم
قبل لنفوت المسرح التقيت مع مجموعه كبيره من المثقفين والقراء البارزين يلي هم معروفين بالقدس وبتجمعني فيهم معرفة سابقه
كنا نجتمع كل ما يصير احداث بازه ومميزه بالقدس او اوقات ما كنت متطوعه معهم
اول لقاء كان مع دكتور بيطري اسمه دوسيم طهبوب هو مش بس دكتور بيطري حقق انجازات تانيه وصار مسؤول عن مؤسسه لتمية مهارات ومواهب الاطفال
في الوقت يلي اعطوه لاله لحتى يحكي عن حاله تكلم عن التأثير الايجابي لتربية حيوان اليف ع سلوك وتربية الطفل بطريقه غير مباشره

https://scontent.ftlv3-1.fna.fbcdn.n...98&oe=5A63B04D

https://scontent.ftlv3-1.fna.fbcdn.n...a1&oe=5AA2A59B

تاني لقاء كان مع الدكتورة رهام سموم كانت معلمة احياء بدرس في مدارس القدس لكن كان عندها طموحات اكبر من انها تكون مدرسه احياء فقط
ع مدار 10 سنوات كانت تعمل ابحاث في جامعات القدس لكن ما كان في دعم مادي كافي لحتى تكمل ابحاثها لهيك اضطرت تقدم عند اليهود
عملت مقابله مع مسؤول يهودي ولقاءها كان كتير ناجح وقبلها لحتى تعمل ابحاثها
كانت هي الوحيده في المختبر يلي محجبه كان الكل ينظر الها بنظره غريبه لكن مع الوقت عرفوا اديه هي انسانه طموحه وناجحه
ولاقت احترام منهم وحققت كتير انجازات في الابحاث تميزت فيها

https://scontent.ftlv3-1.fna.fbcdn.n...6c&oe=5AAE6450

https://scontent.ftlv3-1.fna.fbcdn.n...2f&oe=5A6317CE

https://scontent.ftlv3-1.fna.fbcdn.n...e5&oe=5A9B3769

كمان كان في لقاء مع الصحفيه المشهوره جمان ابو عرفة يلي هي ام لطفلة وزوجه لمعتقل المعروف عنها انها كانت تغطي معظم الاحداث يلي بتصير بالقدس
تكلمت عن مدى حبها للقدس ودعم اهلها وزوجها لالها وكيف كان تأثير عملها ع حياتها وانه بنتها وزوجها كانوا ييجوا بالمقام الاول قبل عملها وما يكون في تقصير منها تجاههم

https://scontent.ftlv3-1.fna.fbcdn.n...88&oe=5AAA8E22

https://scontent.ftlv3-1.fna.fbcdn.n...76&oe=5A9DA7C6

كان كمان في لقاء مع المصور المشهور فادي عميرة او كما يسمى بقناص الصوره وهو من احد الاشخاص يلي بعرفهم عن قرب
كنت اشوفه بمعظم الاحداث يلي كانت تصير بالقدس
تكلم عن شغلات كتيره ما كنت اعرفها عنه من قبل .. بدأ مسيرته كرسام
كان يرسم المعالم الاثريه بالقدس بكل دقه ويوثقها
بعدين اتجه نحو التصوير وحاليا هو مسؤول عن 10 مراكز طبيه بالقدس
تصويره جدا رائع وبصب اهتمامه ع ابراز جمال القدس والمدن الفلسطينيه المهجره وبحاول يجذب المقدسيين لالها

https://scontent.ftlv3-1.fna.fbcdn.n...3d&oe=5A983F31

https://scontent.ftlv3-1.fna.fbcdn.n...98&oe=5A9833C2

هاي الصورة صورها وقت خسوف القمر واستعان باصدقاءه لتطلع بهاي الصورة الجميلة

https://scontent.ftlv3-1.fna.fbcdn.n...ff&oe=5A6665F2

هاي صورة لاحدى القرى المهجرة ويلي بتبين جمال مدنا الفلسطينية

https://scontent.ftlv3-1.fna.fbcdn.n...09&oe=5A9849CE

https://scontent.ftlv3-1.fna.fbcdn.n...36&oe=5A6D8451

https://scontent.ftlv3-1.fna.fbcdn.n...59&oe=5AA053B2

https://scontent.ftlv3-1.fna.fbcdn.n...58&oe=5A9D4CAE

https://scontent.ftlv3-1.fna.fbcdn.n...12&oe=5A631653

https://scontent.ftlv3-1.fna.fbcdn.n...94&oe=5AAC1280

https://scontent.ftlv3-1.fna.fbcdn.n...c9&oe=5A6C0CA8

في اخر رسمه كان دقيق جدا رسم كل حجر موجود وادرجه بكل تفاصيله

https://scontent.ftlv3-1.fna.fbcdn.n...f4&oe=5AACECE4

كمان كان في لقاء مع منى الباشا وهي طالبه من بيرزيت في السنه الاخيره هي بنت لممثله وممثل ومخرج حاز فلمه الاخير ع
جائزه افضل فيلم بدأت التمثيل من لما كانت طفله
تكلمت عن حبها للتمثيل من صغرها واديه اهمية التمثيل في طرح قضايانا وادبه بلعب دور كبير بحياتنا وتوعيتنا

https://scontent.ftlv3-1.fna.fbcdn.n...fb&oe=5AB03DBF

رح اكتفي بهدول الاشخاص بس لانه بطول الشرح عنهم كلهم
اللقاءات كانت جدا ممتعه وبتمنى لو بصير بكل المدن الفلسطينيه هيك شي
وبتمنى اكون انا كمان وحدة من ضمن هدول الناحجين واليارزين بالقدس
رح اترككم مع باقي الصور

https://scontent.ftlv3-1.fna.fbcdn.n...4f&oe=5A6571CA

https://scontent.ftlv3-1.fna.fbcdn.n...d1&oe=5A69A03D

https://scontent.ftlv3-1.fna.fbcdn.n...43&oe=5A69027C

https://scontent.ftlv3-1.fna.fbcdn.n...89&oe=5A621CF0

https://scontent.ftlv3-1.fna.fbcdn.n...ed&oe=5A9D3CE0

https://scontent.ftlv3-1.fna.fbcdn.n...0d&oe=5A9BB0A7

https://scontent.ftlv3-1.fna.fbcdn.n...1f&oe=5A688374

https://scontent.ftlv3-1.fna.fbcdn.n...82&oe=5AA8B855

وبكون هيك انتهيت