أخبار_عالريق 157

#أخبار_عالريق 157
✅يكتبها/سعيد الطويل
■ربنا كتب السلامة ل8 تنفار من اللي كانوا محجورين ومصابين بغزة وضل بس اتنين بيتعافوا و ان شاء الله يروحوا بالسلامة.
■في غزة موجود بمراكز الحجر 1971 نفر وكلهم صحتهم زي البمب وعال العال.
■الحكومة بغزة بتقول انه حيكون الها إجراءات صعبة من هان لبكرة بالكثير لأي واحد بيلتزمش بالتعليمات .
■سلامة معروف بيأكد انه فش ولا مساعدة وصلت لغزة حتى الآن وكل واحد وعدنا بشغلة يجيبها.
■بالقدس اكتشفوا 3 إصابات جديدة بالكورونا.
■عرض خاص بتقدر تعمل الجاجة مندي بتلاتة شيكل بس بأي يوم برمضان .
■فخدة حبش ع صنية رز ومعها كوز لبن وعلبة كولا ب36شيكل .
■الآذان الأول حيصير يأذن قبل الأذان الثاني بستين دقيقة بس برمضان.
■رئيس كوريا الشمالية لسة ما مات بس شكله الزلمة عيان كثير .
■خبر توزيع أرقام جلوس التوجيهي من المدارس بكرة أو بعد (مضرروووب ).
■منظمة الصحة العالمية بتقول انه اللي بيتشافى من كوورنا بيرجع اله ثاني.
■صارت عدد الحالات بفلسطين 495 حالة بكورونا.
■نص مصروف الأولاد رايح ع شرية سلكة الجلي اللي بيولعوها بعد الفطرة.
■البلد فيها أزمة كمامات وكفاتات الإيد يعني (القلفزات باللهجة الصحية).
■كيلو الجاج بعشرة شيكل ونص .
■اللي بده يطلع يشتري أغراض للدار من السوق ميضلش نايم للعصر لأنه حيلاقي السوق مسكر.

#صباح_الخير للأسر.ى داخل السجون اللي صارت توصل نشرتها الهم.
-صباح الخير لكل شب ملوش نسايب لسة يفطر عندهم .
-صباح الخير برضه لكل صبية مكتبتش أول رمضان مع خطيبي.
-صباح الخير لكل وحدة منكدتش ع جوزها من يوم الفجعة لليوم.
-صباح الخير لكل طفل فرح أهله وصام صيام العصافير.
-صباح الخير لأم درويش بياعة الخوخ البلدي اللي راحت تبيعه بآخر السوق بدل باب المدرسة المسكرة.
-صباح الخير لأبو سامي بياع القطايف الزاكي أبو حبة صغيرة.