سكنات الروح

بسماتهم ، ضحكاتهم ، أحاديثهم
لاترحل ..
تبقى عالقة في الأمكنة .

رافقتكي السلامة و الغفران

اقتباس   المشاركة الأصلية كتبت بواسطة lonely heart من بداية هالسنه وأنا بسأل حالي يا ترى شو مخبيتلي سنة 2024 ويا هل ترى رح اقدر اكمل فيها لنهايتها او لا وأعظم نتيجة توصلت لالها هي الامتنان لما عرفت انه الموت قريب مني صرت أقدر كل لحظة بحياتي مهما كانت صغيرة أو عابرة وكل النعم يلي ربنا أعطانا اياها صرت أقدر النفس يلي بتنفسه ، أقدر طعم الأكل، أقدر صحتي وانه بقدر أوقف من دون ما حد يساعدني المرض خلاني أعرف أكتر قيمة الاهل والصديقات وكتير شغلات تانيه أنا كل يوم أول ما أفتح عيوني بحمد الله إني لسا عايشة، وانكتبلي يوم جديد بلملم يلي باقيلي من قوه وببلش يومي بالتفاؤل ما حد بعرف بالحرب والصراع يلي بخوضه كل يوم مع المرض يلي بنتشر بقوة بجسمي والاوجاع يلي بحسها أول ما أصحى من النوم وكوابيس الليل وأرقه ونبضات القلب السريعه كل ما يصير معي ضيق تنفس والحراره والقشعريره يلي ملازمتني معظم وقتي كل هالصراعات بخوضها لحالي وبلطف ربنا ووجود يلي بحبهم جنبي بحمد الله ع وجود بابا وماما وصديقاتي جنبي لانه بدونهم ما كنت رح اقدر اتمسك بالحياة واقدر اتحمل كل هالتعب والوجع تعلمت اقدر كل يوم بعيشه ، وكل لحظة بمر فيها بدون وجع تعلمت أحلم لآخر لحظة بحياتي وانه السرطان ما بموت ، نحنا بنموت لأنه انتهى عمرنا وأكتر درس تعلمته وندمانة اني ما قدرت أطبقه هو اني ما أخبي وجعي ندمت إني بلحظات كتيرة كنت محتاجة لحضن وما طلبته كان نفسي أصرخ من الوجع وما قدرت كنت بحاجه إني أستسلم وما استسلمت الحمدلله ع كل لحظة وجع حسستني بنعمة الراحة، وع كل تنهيدة قربتني لربنا من كم يوم خلصت جلسات العلاج الكيماوي يلي استمرت شهرين ونص وبعد كم يوم رح ابلش بالعلاج الاشعاعي كانت ايام صعبة كتير ومليانه تعب ووجع ولسا في ابتلاءات وأيام صعبة جاي الله يعيني عليها الحمد لله ع كل حال

استودعك لله الذي لا تضيع ودائعه

لووننلي ححبيبتي
+ ي ربب تككوني بخخير
+ ععنديي إححساسس ح تططمنيني
ععنكك ققريباا :(

دعواتنا ترافقك اينما انتي
حية او ميتة

اقتباس   المشاركة الأصلية كتبت بواسطة barbie لووننلي ححبيبتي + ي ربب تككوني بخخير + ععنديي إححساسس ح تططمنيني ععنكك ققريباا :(

حبيبتي ي باربي 🥹 ادعيلا بسجودك
وهاي احلى هديه بنقدملا ل رنوش 🥹الغاليه

اقتباس   المشاركة الأصلية كتبت بواسطة قمر الماما حبيبتي ي باربي 🥹 ادعيلا بسجودك وهاي احلى هديه بنقدملا ل رنوش 🥹الغاليه

بدددععيلهاا ددايمما اللهه يططمناا ععنهاا
+ الواححد نفسسسو يههدى بالوو

حلمت إنك راجعة يا رانيا،
تعالي طمنينا عنك.

وما نيل المطالب بالتمني
لكن اتمنى الله ان يحفظكِ