قصه نجاااح على الرابي. من كفر قاسم .

#قصة_وعبرة
في سنة 2006 لمّا أعلنت شركة كوكاكولا عن مسابقة ترويض أو ترقيص الكرة..
حبيت أشترك فيها وأجرّب..
محدا نصحني ..
حتى صديقي الصدوق بهذيك الأيام قال لي جملة مستحيل أنساها:
دشرك يا زلمة.. فش أمل !
أنا شفت المتسابقين هناك شاطرين كثير بتقدرلهمش !
قلت له:
عنجددد ؟؟ ييييييي .. بس بجرب أنا شو عليي !
بخسرش اشي.
وجاري العزيز قال لي:
دشرك من اللي انت داير عليه.. بطعمش خبز !!
المهم،
بطبيعة اني إنسان عنيد ومغامر ومجرب..
روحت وجربت..
والمفاجأة كانت..
اني حصلت ع المرتبة الأولى في الدولة كلها 😅
والجائزة كانت المشاركة في افتتاح مباراة إيطاليا وغانا في مونديال المانيا 2006 ..
وحققت حلم من أحلامي 😍
وسلمت على شخصيات من أعظم لاعبي العالم:
حارس المرمى جانلويجي بوفون
وكابتن منتخب ايطاليا فابيو كاناڤارو
روحت عند غرفة الملابس للاعبين وراء الكواليس وسلمت على كاناڤارو وحكيتلو:
I love you
You are my best defense player
I hope you will win in the World Cup
ابتسم كاناڤارو وضحك وهز راسه
بتمنى انه فهم انچليزي 😂
وهيك خلصت القصة..
والأهم هي العبرة:
لكل موهوب
اوووووووعك تسمع كلام حدا من البشر.
اووووعك تخلي حدا يحرمك "تجررررب"
جرّب ..
وما تخاف من الفشل أو من ردة فعل الناس اللي حواليك وقت الفشل..
لأنه بس تنجح..
صدقني الكل رح يغير رأيه.
صاحبي اللي كان من الممكن يهبطني ويحبطني من دون قصد، تحول لأكبر المشجعين والداعمين إلي بعد هيك.
وهيك رح يصير معكم.
جربوا..
افشلوا..
جربوا..
انجحوا واستمتعوا بلذة النجاح

و لو مآ فآز
يكفيه شرف المحآولة

حبيت القصة
تحيآتي .

اكثر ضرر ومرض حوالينا الناس المثبطين ومحدودين الطموح
حلوة القصة
عوافى الك

اقتباس   المشاركة الأصلية كتبت بواسطة البريئة ! و لو مآ فآز يكفيه شرف المحآولة حبيت القصة تحيآتي .

اكيد كلامك

وحبيت وجودك
نورتي

اقتباس   المشاركة الأصلية كتبت بواسطة خَمْر أيلول اكثر ضرر ومرض حوالينا الناس المثبطين ومحدودين الطموح حلوة القصة عوافى الك

فعلا
وجودك احلى واحلى غاليتي
نورتي

قصة كتير حلوه

لابد من أن نحاول
ولانيأس يكفينا شرف اننا حاولنا
حتى وإن فشلنافمابالك وإن نجح احساس حلوو
ميرسي

النجاح يبدأ من المحاولة واستغلال الموهبة بشكل جيد
عوافي

الناس المحبطين كثير بي الحياة
المهم انو ما نسمع لحدا منهم ونكمل اللي بدنا اياه حتى لو فشلنا بالنهاية راح ننجح
يعطيك العافية لادراجك ..

للاسف احنا مجتمع معاق ومعيق فعلاا
لا مكان بينا للناجحين الا اذا أصر

حبيت القصة سسكون

يسسلموو