ليش بنحب رام الله !!

ليش بنحب رام الله !!!
لانه في رام الله الواحد بتطلع من الكوفي شوب عشان تروح ع مطعم و بالعكس
لانه في رام الله ما بتحتاج لموعد مع اصحابك لانك كل يوم بتشوفهم
لانه في رام الله اطيب ناس
لانه في رام الله كل الناس بتحب بعض بس ما ابتتدخل في بعض
لانه في رام الله البنات حلوات بدون عمليات تجميل
لانه في رام الله ممكن تفطر فلافل وتتغدى اكل صيني وتتعشى بيتزا ايطالية
لانه في رام الله بتعيش احلى شتا و بتصيف احلى صيف
لأنه في رام الله احلى شباب و الطف صبايا
لأنه في رام الله بتشوف الناس رايحة على شغلها الصبح وطالعة تسهر بالليل
لأنه في رام الله بتكزدر في ركب وبتاكل بوظة ركب وأروع قعدة في ركب
لأنه في رام الله اول ما اتروح عند صاحبك بدخلك ع المطبخ وبطعميك من اكل بيتهم
لأنه في رام الله اول ما يدخلها الجيش كل الشباب بتضربهم حجار واول ما يطلعو بروحوا يريحوا في المقاهي والمطاعم
لأنه في رام الله الكل متواطئ على سماع فيروز الصبح
لأنه في رام الله بس بتدفي قلبك بشيكل ازا شريت كيس فستق محمص وسخن
لأنه في رام الله بس رح تسمع الكلمات القروية بلهجة اجنبية
ناولني كرسي >> give me a تشرسي
لأنه في رام الله بطير نص الراتب بدون ماتحس فيه وحضرتك مبتسم
لأنو في رام الله ثوب مطرز فلسطيني اصيل ...
لأنو أسماء الاشارة برام الله فريدة من نوعها هيذا وميذا وهمّا
لأنه في رام الله كل الناس بتستنى بعض عند البنك العربي حتى الاجانب
لأنو في رام الله ازكى معجنات بالتاريخ .. كل التحية للشهباء وبنت الشام
لأنو في رام الله اي واحد اتعرفت عليه ع المسنجر بتلاقي بكزدر بشارع ركب
لأنو هون مابتعرف وين بتخلص رام الله وبتبلش البيرة
لأنو برام الله وانت نازل بشارع المنتزه ,, بترتدلك الروح
لأنو فيروس الحب منتشر برام الله .. وكل الناس مزكمين
ولأنو في رام الله في اشي أسمه رام الله التحتا ويا عيني على رام الله التحتا وأحلى الناس
ولأنو في رام الله ريحة شجر وورد الياسمين ولا في الخيال
ولأنو في رام الله في كثير ذكريات لا بتزهق ولا بتمل وانت بتتذكر
مرة هون صار كذا وهناك شفنا فلان وكان مش عارف شو ماله
دخيلك يا الله طيب يعني لو رام الله مش مهمة ومش حلوة كان اكيد اسم الله مش موجود فيها

ربنا يكتب لنا زيارتها
مدينة حلوة
ومن كلامك عنها احلوت بزيادة
تحياتي لك

رام الله بعتبروها عاصمة الضفة الغربية
وأكيد جميلة بناسها وشعبها

يعطيكِ العافية ع ادراجك ملك

كل مدننا تقريبا بتنطبق عليهم هالشغلات

بس بدون زعل انا مابحب رام الله

لان فيها ناس باعت القضية والوطن ومقراتها متربعة فيها

لان رام الله بيسموها العاصمة الاقتصادية او السياحية او الترويحية بس ماحدا بيحكي القدس شو

لان رام الله قادرة تكون اول مدينة ترفض التنسيق وتسقط اي حاكم بيحكي للاحتلال نعم

انا مابحب رام الله مش لانها رام الله بس لان فيها ناس شوهو سمعة قصيتنا وشعبنا

وشكرا ملك

رام الله كتير حلوة

ان شاء الله بنزورها

يسلموو ملك للطرح

يعطيكى العافيةة

رام الله حلوة

شكرا ً لالك

شوقتيني لازور رام الله والله

ان شالله بنزورها

تسلمي ملك

عوافي ����

ان شاء الله بنزوها و بتتصلح احوالها

يسلمو ملك