رجع أيلول شهري المفضل ♥️✨️

رجع أيلول .. رجع الهدوء .. و رجع خريف الشوارع ..
القمر صار أحلى .. وبلش هوا أيلول يلي برد الروح
مابعرف شو علاقة هاد الشهر بكل الأحاسيس الحلوة والدفى.. ما بعرف شو علاقتو بكل البدايات الحلوة
فيه شي من الحب .. بداية لحتى تشم فيه ريحة أول شتا ريحة الحنين
بس الي بعرفو أنو من وقت كنت صغيرة علاقتو بقلبي كبيرة كتير
فكرة انو الشتا قرب والصيف خلص هاد الشي لحالو بيعطيني الأمان
أيلول يلي دايماً بذكرك .. أنو مع كل نهاية قصة بحياتك .. في بداية جديدة
و مع كل ورقة شجر بتوقع ... بتوقع معها قصة من حياتك
أيلول شهر البدايات الحلوة
متفائلة كتير أنو بهاد الشهر بترجع بتضوي عتمتي
شهر الحب والهنا
يارب بداية حلوة وطاقة جديدة ♥️🦋